कोलकाता, 12 जूनमासः (हि.स.)। पश्चिमबङ्गस्य मुख्यमन्त्री शुभेन्दु अधिकारी उक्तवान् यत् एकस्मिन् काले आधारभूतसंरचनाविकासस्य विषये पश्चात् स्थितः भारतः अद्य विश्वस्य अतिवेगेन वर्धमानासु अर्थव्यवस्थासु अन्तर्भवति। तेन अस्य परिवर्तनस्य श्रेयः प्रधानमन्त्रिणो नरेन्द्र मोदिनो नेतृत्वे राष्ट्रिय जनतान्त्रिक गठबन्धन सरकारस्य गतद्वादशवर्षीयकार्यकालाय दत्तम्।

केन्द्रे राष्ट्रिय जनतान्त्रिक गठबन्धन सरकारस्य द्वादशवर्षपूर्तेः अवसरे शुक्रवासरे आयोजिते संवाददातृसम्मेलने मुख्यमन्त्री देशे अभवत् आर्थिकाधारभूतसंरचनाविकासस्य विस्तृतं विवरणं प्रस्तुतवान्।

सः उक्तवान् यत् गतद्वादशवर्षेषु देशव्यापि १३१७ नवीनाः आधुनिकीकरणं प्राप्ताः च रेलस्थानकाः विकसिताः। एतदतिरिक्तं देशस्य विविधेषु भागेषु १६४ अधिकाः वन्दे भारत रेलयानाः सञ्चालिताः सन्ति। मुख्यमन्त्री उक्तवान् यत् एकस्मिन् काले राजधानी एक्सप्रेस तथा शताब्दी एक्सप्रेस आधुनिकरेलसेवायाः परिचायकौ आस्ताम् किन्तु अद्य वन्दे भारत रेलयानानि नवीनभारतस्य आकाङ्क्षाणां प्रतीकानि अभवन्। प्रधानमन्त्रिणो नरेन्द्र मोदिनो नेतृत्वे देशस्य एकस्मात् छोरात् अन्यस्मिन् छोरपर्यन्तं दूरत्वं यात्रासमयः च न्यूनीकृतः येन आर्थिकक्रियाणां गतिः अपि तीव्रा अभवत्।

नागरिकविमानयानक्षेत्रे अभवत् प्रगतिम् उल्लेखयन् मुख्यमन्त्री उक्तवान् यत् वर्षे २०१४ तमे देशे ७४ विमानस्थानकानि आसन् किन्तु अद्य तेषां संख्या द्विगुणात् अपि अधिका जाता। तेन दावा कृतः यत् गतद्वादशवर्षेषु देशे ९० अधिकानि नवीनानि विमानस्थानकानि निर्मितानि।

सड़कपरिवहनक्षेत्रस्य उल्लेखं कुर्वन् मुख्यमन्त्री उक्तवान् यत् अस्मिन् काले प्रायः चतुर्लक्ष किलोमीटर मार्गाणां निर्माणं अभवत्। राष्ट्रियराजमार्गाणां विस्तारः कृतः तथा सीमावर्ती दूरस्थक्षेत्रेषु च सम्पर्कव्यवस्था सुदृढा कृता।

सः उक्तवान् यत् एते विकासकार्याः देशस्य आर्थिकसंरचनां सकारात्मकरूपेण परिवर्तितवन्तः। विकासः अधुना केवलं महानगरपर्यन्तं सीमितः नास्ति अपितु ग्रामेषु दूरस्थक्षेत्रेषु च अपि प्राप्तः अस्ति।

पश्चिमबङ्गस्य सन्दर्भे मुख्यमन्त्री उक्तवान् यत् राज्ये नवीनसरकारस्य गठनस्य केवलम् एकमासस्य अन्तरे केन्द्रराज्यसरकारयोः मध्ये उत्तमसमन्वयस्य कारणेन विकासकार्येषु वेगः आगतः।

सः उक्तवान् यत् केन्द्रीयमन्त्रिणः निरन्तरं पश्चिमबङ्गस्य भ्रमणं कुर्वन्ति राज्यसरकारस्य प्रतिनिधयः अपि नियमितरूपेण दिल्लीं गच्छन्ति। अनेन विविधपरियोजनानां अनुमोदनक्रियान्वयनप्रक्रिया वेगेन प्रचलति।

मुख्यमन्त्री एतत् अपि पुष्टि कृतवान् यत् प्रधानमन्त्री नरेन्द्र मोदी अस्य मासस्य अन्ते द्विदिवसीय पश्चिमबङ्गदौरे आगमिष्यति। तेन उक्तं यत् २० जून दिनाङ्के प्रथमवारं आयोज्यमानस्य बंगाल स्थापना दिवसस्य अवसरे प्रधानमन्त्री हुगली जनपदस्य तारकेश्वरस्थे कार्यक्रमे सम्बोधनं करिष्यति। अस्मिन् काले सः राज्याय अनेकानां विकासपरियोजनानां घोषणाम् अपि कर्तुं शक्नोति।

सः उक्तवान् यत् २१ जून दिनाङ्के अन्ताराष्ट्रिययोगदिवसस्य अवसरे प्रधानमन्त्री कोलकातानगरे आयोजिते विशेषकार्यक्रमे भागं गृह्णीयात्। मुख्यमन्त्रिणः अनुसारं प्रधानमन्त्रीणः एषा यात्रा राज्यस्य विकासाय केन्द्रराज्यसहयोगाय च नवीनां गतिं प्रदास्यति।---------------

Hindusthan Samachar / Dheeraj Maithani