नवादानगरम्, १३ जूनमासः (हि.स.)। मोदी-सर्वकारस्य ‘१२ वर्षाणि बेमिसाल’ कार्यक्रमस्य अन्तर्गतं शनिवासरे नवादा-समाहरणालयस्य द्वारसमीपे स्थितस्य भारतरत्न-डॉ.भीमराव-अम्बेडकरस्य प्रतिमास्थले तथा उद्यान-परिसरे विशेष-स्वच्छता-अभियानं सञ्चालितम्।

कार्यक्रमस्य अन्तर्गतं बाबासाहेबस्य प्रतिमायाः सम्यक् स्वच्छीकरणं कृतम्। प्रतिमा-स्थलस्य तथा उद्यान-परिसरस्य स्वच्छीकरणेन तस्य सौन्दर्य-वर्धनस्य कार्यमपि सम्पन्नम्। उपस्थितैः कार्यकर्तृभिः नागरिकैश्च परिसरात् अपशिष्ट-पदार्थाः अपासारिताः तथा स्वच्छतायाः सन्देशः प्रसारितः। तैः बाबासाहेबस्य आदर्शान् आत्मसात्कर्तुं संकल्पोऽपि गृहीतः।

अस्मिन् अवसरे भारतीयजनतापक्षस्य जनपदाध्यक्षः अनिल-मेहतामहोदयः अवदत् यत् स्वच्छता केवलम् अभियानं नास्ति, अपितु समाजस्य प्रति अस्माकं दायित्वम् अस्ति। बाबासाहेबेन डॉ.भीमराव-अम्बेडकरेण प्रदर्शितस्य सामाजिक-समरसतायाः, समानतायाः तथा जनकल्याणस्य मार्गस्य अनुसरणं कुर्वन्तः सर्वे स्वच्छस्य विकसितस्य च भारतस्य निर्माणे स्वीयं योगदानं ददतु।

अस्य कार्यक्रमस्य उद्देश्यं स्वच्छतां प्रति जन-जागरूकतां वर्धयितुम्, सार्वजनिक-स्थलानां स्वच्छतां सुनिश्चितां कर्तुं तथा नागरिकान् ‘स्वच्छ-भारत’-संकल्पेन सह सम्बद्धान् कर्तुं च आसीत्। उपस्थितैः सर्वैरपि स्वच्छ-सुन्दर-नवादानगरस्य विकसित-भारतस्य च निर्माणार्थं निरन्तरं योगदानं दातुं संकल्पः गृहीतः।

अस्मिन् अवसरे भारतीयजनतापक्षस्य प्रदेश-मन्त्री संजयकुमार-मुन्ना, युवा-मोर्चाध्यक्षः गोपालकुमारः, गुलशनकुमारः इत्यादयः उपस्थिताः आसन्।

Hindusthan Samachar / Divya Ranjan