Enter your Email Address to subscribe to our newsletters
मंडी, 13 जूनमासः (हि.स.)।
भारतस्य अग्रणीषु भारतीयप्रौद्योगिकीसंस्थानेषु अन्यतमस्य भारतीयप्रौद्योगिकीसंस्थानस्य आईआईटी मण्ड्यां फण्डामेण्टल एण्ड एडवांस्ड रिसर्च इन केमिस्ट्री एफएआरसी २०२६ नामकस्य त्रिदिवसीयस्य अन्ताराष्ट्रियसम्मेलनस्य समापनम् अभवत्। अस्मिन् सम्मेलने शोधकर्तृभ्यः शिक्षाविद्भ्यः वैज्ञानिकेभ्यः उद्योगविशेषज्ञेभ्यश्च विचाराणाम् आदानप्रदानाय नवाचाराणां प्रदर्शनाय तथा उद्भवमानरसायनविज्ञानक्षेत्रेषु सहकार्यस्य प्रोत्साहनाय वैश्विकमञ्चः प्रदत्तः।
विगतवर्षेषु रसायनविज्ञानशोधक्षेत्रे उल्लेखनीया प्रगतिः अभवत् या वैज्ञानिकप्रगतये समाजस्य च सततविकासाय महत्त्वपूर्णं योगदानं दत्तवती। एतस्य दृष्टिकोणस्य संवर्धनार्थम् एफएआरसी २०२६ मध्ये रसायनविज्ञानं पदार्थविज्ञानं स्पेक्ट्रोस्कोपी माइक्रोस्कोपी इमेजिङ्ग इत्यादिषु क्षेत्रेषु मूलभूतानुप्रयुक्तरसायनविज्ञानस्य नवीनतमशोधकार्येषु चर्चा कृता।
सम्मेलने विभिन्नदेशेभ्यः आगताः प्रतिभागिनः उन्नतरसायनविज्ञानक्षेत्रेषु ज्ञानं समविभज्य वैज्ञानिकनवाचाराणां माध्यमेन मानवजीवनस्य उन्नयनस्य दिशि सामूहिकं योगदानं दत्तवन्तः। सम्मेलनस्य आयोजनम् आईआईटी मण्डेः स्थानीयआयोजनसमितेः नेतृत्वे सम्पन्नम् यस्मिन् प्रो लक्ष्मीधर बेहरा प्रो सुब्रत घोष प्रो चयान के नन्दी डॉ गरिमा अग्रवाल डॉ मौप्रिय दास डॉ नारायण सिन्हा तथा डॉ अभिमन्यु धीर इत्येते समाविष्टाः आसन्।
अस्य समये एफएआरसी २०२६ अध्यक्षः प्रो चयान के नन्दी उक्तवान् यत् प्रायः ३०० प्रतिभागिनां तथा ४० प्रतिष्ठितवक्तॄणां सहभागितया सह अयं भव्यायोजनस्य स्वप्नः अद्य साकारः अभवत् येषु ९ अन्तरराष्ट्रीयख्यातिप्राप्ताः वक्तारः अपि समाविष्टाः आसन्। एतेषां सर्वेषाम् उपस्थित्या सम्मेलनम् अत्यन्तं सफलं जातम्। सः उक्तवान् यत् दूरस्थप्रदेशे एतादृशस्य विशालसम्मेलनस्य आयोजनं चुनौतीपूर्णं कार्यम् आसीत् किन्तु पूर्णोत्साहेन समर्पणेन च एतत् सफलतया सम्पन्नम्।
तेन स्कूल ऑफ केमिकल साइंसेज इत्यस्य सर्वेषां संकायसदस्यानां सहयोगस्य प्रशंसा कृता तथा उक्तं यत् तेषां समर्थनं विना एतत् सम्भवम् न आसीत्।
प्रो नन्दी आईआईटी मण्डेः निदेशकस्य प्रो लक्ष्मीधर बेहरस्य तथा स्कूल ऑफ केमिकल साइंसेज इत्यस्य अध्यक्षस्य प्रो सुब्रत घोषस्य विशेषं आभारं प्रकटितवान्। तेन सूचितं यत् एतत् द्विवार्षिकं सम्मेलनं पुनः वर्षे २०२८ तमे आयोजितं भविष्यति।
एफएआरसी २०२६ मध्ये विश्वस्तरीयवैज्ञानिकानां सहभागिता अभवत् तथा १४० अधिकानि उच्चगुणवत्तायुक्तानि पोस्टरप्रदर्शनानि प्रस्तुतानि। प्रमुखप्रतिभागिषु प्रो संजीत कोनार आईआईएसईआर भोपाल डॉ तोमोहिरो ओगावा क्यूशू यूनिवर्सिटी जापान प्रो स्वपन पति जेएनसीएएसआर बेंगलुरु डॉ राल्फ आइखोर्न नॉर्डिक इन्स्टीट्यूट फॉर थियोरेटिकल फिजिक्स स्वीडन प्रो स्टेनली बॉटचवे यूनाइटेड किंगडम प्रो अनिन्द्य दत्ता आईएनएसटी मोहाली निदेशकः प्रो हितेश हांडा यूनिवर्सिटी ऑफ जॉर्जिया अमेरिका प्रो सुबी जॉर्ज जेएनसीएएसआर बेंगलुरु प्रो विजय पी त्रिपाठी आईआईटी दिल्ली तथा प्रो देवप्रतिम दास आईआईटी गुवाहाटी सहिताः अनेकाः प्रतिष्ठितवैज्ञानिकाः समाविष्टाः आसन्।
---------------
Hindusthan Samachar / Dheeraj Maithani