Enter your Email Address to subscribe to our newsletters
रोगिभ्यो मिलिष्यति 25 प्रकाराणां सटीकपरिशीलनस्य सुविधाः
जोधपुरम्, 13 जूनमासः (हि.स.)। सर्वपल्ली राधाकृष्णन राजस्थान आयुर्वेद विश्वविद्यालये कुलगुरोः प्रोफेसर वैद्य गोविन्द सहाय शुक्ल इत्यस्य उपस्थितौ संजीवनी आयुर्वेद चिकित्सालयस्थिते स्नातकोत्तर रोग तथा विकृतिविज्ञान विभागान्तर्गत सञ्चालितायां केन्द्रीय प्रयोगशालायां अत्याधुनिक मिस्पा आई ३ यन्त्रस्य उद्घाटनं कृतम्।
अस्मिन् अवसरे कुलगुरुः उक्तवान् यत् चिकित्सासेवासु आधुनिकप्रौद्योगिकीनां समावेशः रोगिभ्यः गुणवत्तायुक्ताः स्वास्थ्यसुविधाः प्रदातुं दिशि अत्यन्तं महत्त्वपूर्णः अस्ति।
तेन उक्तं यत् संजीवनी आयुर्वेद चिकित्सालये स्थापितं एतत् अत्याधुनिकं यन्त्रं प्रयोगशालायाः परीक्षणक्षमतां सुदृढां करिष्यति तथा रोगिभ्यः आवश्यकाः परीक्षणाः शीघ्रं सम्यक् सुविधाजनकरूपेण च उपलब्धाः करिष्यति। अनेन रोगाणां निदानस्य उपचारस्य च प्रक्रिया अधिका प्रभावी विश्वसनीया च भविष्यति।रोगनिदान तथा विकृतिविज्ञान विभागाध्यक्षः तथा छात्रकल्याणमण्डलस्य अध्यक्षः प्रोफेसर गोविन्द प्रसाद गुप्त उक्तवान् यत् एतत् अत्याधुनिकं यन्त्रं प्रयोगशालायां पञ्चविंशतिप्रकाराणां विभिन्नपरीक्षणानां सम्पादनं कर्तुं समर्थम् अस्ति। अस्य माध्यमेन रोगिणां आवश्यकाः परीक्षणाः अधिकसटीकतया सुगमतया च उपलब्धाः भविष्यन्ति येन रोगाणां परिचयः उपचारे च सहायता भविष्यति।
समारोहे संजीवनी आयुर्वेद चिकित्सालयस्य अधीक्षिका प्रो ए नीलिमा रेड्डी उपाधीक्षकः प्रो ब्रह्मानन्द शर्मा डॉ अरुण दाधीच डॉ मनोज कुमार अदलखा डॉ नीरज डॉ प्रेम कुमार डॉ जोगेन्द्र प्रजापत डॉ ऋचा कुमारीत्येभिः सहिताः विभागस्य अन्ये संकायसदस्याः उपस्थिताः आसन्।
Hindusthan Samachar / Dheeraj Maithani