भोपालम्, १३ जूनमासः (हि.स.)। मध्यप्रदेश-पर्यटन-परिषदः “सम्मेलन-प्रबन्धने उत्कृष्टता-पुरस्कारं” प्राप्तवान् अस्ति। मुंबई-नगरस्य सिडको-प्रदर्शनी-तथा-सम्मेलन-केन्द्रे शुक्रवासरस्य रात्रौ आयोजिते प्रतिष्ठिते ‘दशमे दशक-प्रदर्शनी-उत्कृष्टता-पुरस्कार:’ कार्यक्रमे मध्यप्रदेश-पर्यटनाय एषः राष्ट्रिय-पुरस्कारः प्रदत्तः।

एषः पुरस्कारः देशस्य इवेन्ट-प्रदर्शिनी-तथा क्षेत्रस्य अत्यन्त-प्रतिष्ठितेषु सम्मानेषु अन्यतमः इति मन्यते। मध्यप्रदेश-पर्यटन-विकास-निगमस्य प्रबन्ध-निर्देशकः दिलीप-कुमार-यादवः स्व-दलेन सह एतत् पुरस्कारं स्वीकृतवान्।

प्रबन्ध-निर्देशकः यादवः अस्मिन् गौरवपूर्णे अवसरे प्रसन्नतां प्रकटयन् उक्तवान् यत् एषः पुरस्कारः निगमस्य प्रतिबद्धतायाः, व्यावसायिकतायाः, अद्वितीय-टीम-वर्कस्य च परिणामः अस्ति। सः उक्तवान् यत् मध्यप्रदेश-पर्यटन-विभागः निरन्तरं स्व-अवसंरचनां, आतिथ्य-सेवां, आयोजन-क्षमतां च विश्व-स्तरीयां कर्तुं प्रयतते। राज्ये अत्याधुनिक-सम्मेलन-केन्द्राणि, उत्तम-संयोजन-व्यवस्था तथा अद्वितीय-आतिथ्य-भावना कारणतः अद्य देश-विदेशयोः बृहद्-निगमाः संस्थाः च मध्यप्रदेशं प्रति आकर्षिताः भवन्ति।

इवेन्ट्स-विभागस्य महाप्रबन्धकः विवेक-जूडः उक्तवान् यत् मध्यप्रदेश-पर्यटन-निगमाय एषः राष्ट्रिय-पुरस्कारः राज्ये २०-तः अधिकानां राष्ट्रिय-राज्य-स्तरीय-प्रमुख-सम्मेलनानां सफल-प्रबन्धनाय प्रदत्तः। निगमेन स्व-टीमस्य उत्कृष्ट-प्रबन्धनेन एम.पी. ग्रोथ-समिट २०२५, एम.पी. टेक-ग्रोथ-समिट २०२५, रीजनल ए.आई. इम्पैक्ट-समिट २०२५, रीजनल-इंडस्ट्री-एण्ड-एम्प्लॉयमेंट-समिट तथा मध्यप्रदेश-माइनिंग-कॉन्क्लेव इत्यादीनां महत्त्वपूर्णानां सम्मेलनानां कुशल-आयोजनं कृतम्।

प्रबन्ध-निर्देशकः यादवः उक्तवान् यत् एषः राष्ट्रिय-पुरस्कारः केवलं निगमस्य प्रबन्धन-क्षमतां न दर्शयति, अपितु ‘अतुल्य-भारतस्य हृदयं’ मध्यप्रदेशं व्यवसाय-पर्यटन-क्षेत्रे अग्रणी-वैश्विक-केन्द्रत्वेन स्थापयितुं महत्त्वपूर्णं सोपानम् अस्ति। भविष्ये एतेन राज्ये आर्थिक-क्रियाकलापाः, रोजगार-सम्भावनाः, ज्ञान-आधारित-आयोजनानि च अधिकं वर्धिष्यन्ति इति अपि सः उक्तवान्।

Hindusthan Samachar / Divya Ranjan