Enter your Email Address to subscribe to our newsletters
उरईनगरम्, १३ जूनमासः (हि.स.)। केन्द्र-सर्वकारस्य १२-वर्ष-पूर्तेः उपलक्ष्ये आयोजिते जनकल्याण-जन-जागरूकता-अभियाने सदर-तहसील-परिसरे विविध-विभागैः स्थापितायाः भव्य-विकास-प्रदर्शिन्याः शुभारम्भः उत्तरप्रदेश-सर्वकारस्य गन्ना-विकास-चीनी-उद्योग-राज्यमन्त्रिणा तथा जनपदस्य प्रभारी-मन्त्रिणा संजय-सिंह-गंगवारेण शनिवासरे रज्जू-कर्तनद्वारा कृतः।
प्रदर्शिन्यां ४१-विभागैः केन्द्र-प्रदेश-सर्वकारयोः जनकल्याणकारी-योजनाः, विकास-कार्याणि, उपलब्धयः च आकर्षकरूपेण प्रदर्शिताः। युवा-स्त्री-गरीब-कल्याणाय समर्पिताः योजनाः, उत्तरप्रदेशस्य प्रमुखाः बृहत्-अवसंरचना-परियोजनाः, धार्मिक-आध्यात्मिक-स्थलानां विकासः, कानून-व्यवस्था-आन्तरिक-सुरक्षायाः सुदृढ-रूपम् इत्यादयः विषयाः “पूर्वम्-अधुना” इति थीम-आधारेण प्रदर्शिताः आसन्। सूचना-विभागेन स्थापिती प्रदर्शिनी विशेषाकर्षणं बभूव, यत्र चित्रैः विवरणैः च उपलब्धयः प्रस्तुताः।
प्रभारी-मन्त्रिणा प्रधानमन्त्रि-सूर्यघर-मुफ्त-विद्युत्-योजनायाः अन्तर्गतं चतुर्णां लाभार्थिनां कृते ३-किलोवाट-क्षमतायाः सोलर-रूफटॉप-संयन्त्राय १,०८,०००-१,०८,००० रूप्यकाणां अनुदानं, तथा एकस्मै लाभार्थिने २-किलोवाट-क्षमतायाः संयन्त्राय ९०,००० रूप्यकाणां अनुदान-स्वीकृतिः प्रदत्ता।
बाल-विकास-सेवा-पुष्टाहार-विभागान्तर्गतं ९ आईसीडीएस-सुपरवाइजर-जनाः कार्य-दक्षता-वर्धनाय सैमसंग-मोबाइल-यन्त्राणि प्राप्तवन्तः। डूडा-विभागेन प्रधानमंत्री-स्वनिधि-योजनायाः अन्तर्गतं ७ लाभार्थिनः लाभान्विताः। मुख्यमंत्री-युवा-उद्यमी-विकास-अभियान-योजनायाः अन्तर्गतं ६ लाभार्थिभ्यः स्वरोजगार-स्थापनाय ५-५ लाख-रूप्यकाणां धनाहरणपत्रं-प्रदत्तम्। मुख्यमंत्री-आवास-योजनायां ३ पात्र-लाभार्थिभ्यः आवास-स्वीकृति-पत्राणि वितरितानि। उत्तरप्रदेश-राज्य-ग्रामीण-आजीविका-अभियान-अन्तर्गतं स्वयं-सहायता-समूहानां कृते विविध-गतिविधि-संचालनाय आर्थिक-सशक्तीकरणाय च ६-कोटि:-२४-लक्षं-९०-सहस्र-रूप्यकाणां वित्तीय-सहायता-धनाहरणपत्रं प्रदत्तम्।
प्रभारी-मन्त्री संजय-सिंह-गंगवारः उक्तवान् यत् प्रधानमन्त्री नरेन्द्र-मोदीन: नेतृत्वे विगतेषु १२-वर्षेषु भारतदेश: विकास-सुशासन-आत्मनिर्भरता-जनकल्याण-क्षेत्रेषु ऐतिहासिक-उपलब्धय: प्राप्तवान्। सः अवदत् यत् सर्वकारस्य उद्देश्यं अन्तिम-व्यक्तिपर्यन्तं योजनानां लाभं प्रापयितुम् अस्ति, येन कोटिशः गरीबाः, कृषकाः, महिलाः, युवानः च आत्मनिर्भराः भवन्ति। सः उज्ज्वला-आयुष्मान-भारत-किसान-सम्मान-निधि-सूर्यघर-योजनादीनां समाजे सकारात्मक-परिवर्तनं कर्तुं साधनत्वेन वर्णितवान्।
अवसरे अस्मिन् सदर-विधायकः गौरीशंकर-वर्मा, माधौगढ़-विधायकः मूलचन्द-निरंजनः, जिलाधिकारी राजेश-कुमार-पाण्डेयः, पुलिस-अधीक्षकः विनय-कुमार-सिंहः, जल-शक्ति-मन्त्रिणः प्रतिनिधिः अरविन्द-चौहानः, भारतीय-जनता-पक्षस्य जनपदाध्यक्षः उर्विजा-दीक्षितः इत्यादयः जनप्रतिनिधयः, अधिकारीगणाः, कर्मचाऱिणः, नागरिकाः च उपस्थिता: आसन्।
Hindusthan Samachar / Divya Ranjan