Enter your Email Address to subscribe to our newsletters
नवदेहली, १३ जूनमासः (हि.स.)। देशस्य बृहत्तम-विमानसेवासंस्था इंडिगो १५ जूनमासतः जेवर-स्थिते नोएडा-अन्ताराष्ट्रिय-विमानपत्तने व्यावसायिक-उड्डयन-सेवां प्रारम्भं करिष्यति। केन्द्र-नागर-विमानन-मन्त्री राममोहन-नायडू सोमवासरे प्रथम-उड्डयनं हरीतध्वजं दर्शयित्वा प्रेषयिष्यति।
आधिकारिक-सूचनानुसारं १५ जूनदिने अस्मात् विमानपत्तनात् व्यावसायिक-उड्डयनानि आरभ्यन्ते। उद्घाटन-दिने इंडिगो प्रथम-उड्डयनं सञ्चालयिष्यति। प्रथम-सेवा लखनऊतः नोएडा-विमानपत्तनं प्रति भविष्यति, या प्रातः ७:०५ वादने प्रस्थास्यति तथा ८:०५ वादने नोएडा-नगरं प्राप्स्यति। गौतमबुद्ध-नगरस्य जेवर-क्षेत्रे स्थितं एतत् विमानपत्तनं अद्य दिल्ली-एनसीआर-क्षेत्रस्य द्वितीय-अन्ताराष्ट्रिय-द्वारत्वेन स्थापितम् अभवत्।
प्रथम-उड्डयनानां प्रारम्भिक-रूट-नेटवर्क अनुसारं १६ जूनतः बेंगलुरु-नगराय सेवाः प्रारभ्यन्ते। तदनन्तरं जुलाई २०२६ पर्यन्तं नवी-मुम्बई, भोपाल, देहरादून, जोधपुर, बरेली इत्यादिभ्यः नगरेभ्यः अपि सेवाः आरभ्यन्ते इति सूचितम्।
इंडिगो-संस्था प्रथमं सेवां प्रारभ्य ततः परं आकासा-एयर तथा एयर-इंडिया-एक्सप्रेस अपि विभिन्न-चरणेषु सेवां प्रारभ्स्यतः, येन प्रमुख-गृह-मार्गेषु सम्पर्कः वर्धिष्यते। अग्रिमेषु सप्ताहेषु १६-तः अधिक-गृह-मार्गाः योजयिष्यन्ते। नोएडा-अन्ताराष्ट्रिय-विमानपत्तनस्य प्रथम-चरणस्य उद्घाटनं प्रधानमन्त्री नरेन्द्र-मोदी २८ मार्च-दिने कृतवान् आसीत्।
यात्रिभ्यः आधुनिक-सुविधा-संपन्नं अनुभव-व्यवस्था अपि अस्मिन् विमानपत्तने उपलब्धा भविष्यति। सेल्फ-चेक-इन-कियोस्क, डिजीयात्रा-प्रणाली, जैवमात्रिक-बोर्डिङ्ग, स्वचालित-लग्गेज-ड्रॉप-व्यवस्था तथा पेपरलेस-यात्रा-प्रणाली इत्यादयः सुविधाः योजिताः सन्ति, येन प्रतीक्षा-समयः सम्मर्दश्च न्यूनीकृतः भविष्यति।
रणनैतिक-दृष्ट्या महत्त्वपूर्णे स्थाने स्थितं एतत् विमानपत्तनं नोएडा-नगरात् प्रायः ४० किलोमीटर-दूरे, ग्रेटर-नोएडातः २८ किलोमीटर-दूरे तथा नवदेहली-स्थितात् इन्दिरा-गान्धी-अन्ताराष्ट्रिय-विमानपत्तनात् प्रायः ७२ किलोमीटर-दूरे अस्ति। एतस्य कारणात् पश्चिम-उत्तरप्रदेश-तथा एनसीआर-क्षेत्रस्य लक्षशः यात्रिणां यात्रा-समयः न्यूनीकर्तुं अपेक्षा अस्ति।
हिन्दुस्थान समाचार / Divya Ranjan