शिमला, 13 जूनमासः (हि.स.)।

भारतीय जनता पार्टीदलस्य पूर्व राष्ट्रीयाध्यक्षः तथा केन्द्रीय स्वास्थ्यपरिवारकल्याणमन्त्री रसायन उर्वरक मन्त्री च जगत प्रकाश नड्डा शनिवासरे शिमला नगरस्य चौड़ा मैदान इति स्थाने आयोजिते स्वच्छताभियानकार्यक्रमे सहभागित्वं कृतवान्। अस्मिन् अवसरे सः भारतस्य संविधाननिर्मातुः भारतरत्न डॉ भीमराव अंबेडकरस्य प्रतिमायाः स्वच्छीकरणं कृत्वा तस्मै माल्यार्पणं कृत्वा श्रद्धाञ्जलिम् अर्पितवान्।

कार्यक्रमम् सम्बोधयन् नड्डा उक्तवान् यत् भारतीय जनता पार्टी तथा प्रधानमन्त्री नरेंद्र मोदी स्वच्छतां केवलं शासकीयकार्यक्रमपर्यन्तं सीमितां न कृतवन्तौ, अपितु तस्याः देशव्यापि जनान्दोलनस्य स्वरूपं प्रदत्तवन्तौ। प्रधानमन्त्रिणः मोदी महोदयस्य दूरदर्शिन्या चिन्तया नेतृत्वेन च अद्य देशस्य प्रत्येकः नागरिकः स्वच्छतायाः महत्त्वं अवगच्छति तथा अस्मिन् स्वस्य सक्रियं सहभागित्वं निर्वहति।

सः उक्तवान् यत् स्वच्छ भारत अभियानेन देशे नवीनस्य चिन्तनस्य निर्माणं कृतम् अस्ति। पूर्वं स्वच्छतायाः विषये यथा उदासीनता दृश्यते स्म सा अधुना परिवर्तिता अस्ति। अद्य समाजस्य सर्वे वर्गाः, युवानः, महिलाः तथा सामान्यनागरिकाः स्वच्छतायाः प्रति जागरूकाः भूत्वा अस्मिन् अभियाने संलग्नाः भवन्ति। एतस्यैव कारणात् स्वच्छता अधुना केवलं शासकीय दायित्वं न अस्ति, अपितु सामाजिकम् उत्तरदायित्वं जाता अस्ति।

जेपी नड्डा उक्तवान् यत् यदा यदा सार्वजनिककार्यक्रमेषु सहभागित्वस्य अवसरः प्राप्यते तदा भाजपा कार्यकर्तारः जनप्रतिनिधयः च स्वच्छताभियानेन सह सम्बद्धाः भूत्वा समाजाय सकारात्मकं सन्देशं दातुं प्रयत्नं कुर्वन्ति। सः उक्तवान् यत् शिमला प्रवासस्य समये चौड़ा मैदानस्थित डॉ भीमराव अंबेडकरस्य प्रतिमायाः स्वच्छीकरणं कृत्वा तस्मै श्रद्धाञ्जलिम् अर्पयितुं तस्य कृते गौरवस्य विषयः अस्ति। बाबा साहेब देशाय संविधानरूपेण अमूल्यनिक्षेपं प्रदत्तवान् तथा तस्य आदर्शाणां सम्मानं कर्तुं प्रत्येकस्य नागरिकस्य कर्तव्यं अस्ति।

सः प्रदेशवासिनः आहूतवान् यत् ते स्वच्छतां स्वस्य दैनिकजीवनस्य भागं कुर्वन्तु तथा प्रधानमन्त्रिणः नरेंद्र मोदिनः स्वच्छ भारत संकल्पं अग्रे नेतुं सक्रियां भूमिकां निर्वहन्तु।

---------------

Hindusthan Samachar / Dheeraj Maithani