Enter your Email Address to subscribe to our newsletters
रायपुरनगरम्, १३ जूनमासः (हि.स.)। छत्तीसगढ़-राज्यस्य राजधानी-रायपुर-नगर-प्रवासकाले शनिवासरे केन्द्रीय-वस्त्र-मन्त्रिणा गिरिराज-सिंहेन आम्बेडकर-चतुष्पथं गत्वा भारतरत्न-डॉ.भीमराव-आम्बेडकरस्य प्रतिमायां माल्यार्पणं कृत्वा श्रद्धासुमनानि अर्पितानि।
अस्मिन् अवसरे सः स्वच्छता-मित्राणां शालया श्रीफलेन च सम्मानं कृत्वा तेषां कृते मेडिकल-किट् अपि प्रदत्तवान्। स्वच्छता-कर्मिभिः सह संवादं कुर्वन् सः स्वच्छ-भारत-अभियाने तेषां समर्पणं, परिश्रमं तथा महत्त्वपूर्णं योगदानं प्रशंसितवान्। सः अवदत् यत् स्वच्छता केवलं अभियानं नास्ति, अपितु जनभागितया राष्ट्र-निर्माणस्य सशक्तं माध्यमम् अस्ति। प्रधानमन्त्री-नरेन्द्रमोदिनः नेतृत्वे स्वच्छ-भारत-अभियानेन सम्पूर्णे देशे स्वच्छतायाः विषये नूतना जागरूकता उत्पन्ना अस्ति इति अपि सः उक्तवान्।
तदनन्तरं केन्द्रीय-मन्त्री गिरिराज-सिंहः कलेक्ट्रेट-परिसरस्य समीपे स्थितम् ऑक्सीजोन-उद्यानं गत्वा सांसदः बृजमोहन-अग्रवालः तथा विधायकेन पुरन्दर-मिश्रेण सह “एकं वृक्षं मातुः नाम्ना” इति अभियानान्तर्गतं वृक्षारोपणं कृतवान्। वृक्षारोपणानन्तरं सः ऑक्सीजोन-परिसरे उपस्थिताभिः महिलाभिः सह पर्यावरण-संरक्षणस्य जनभागितायाः च महत्त्वं विषये संवादं कृतवान्।
अस्मिन् अवसरे महापौरः मीनल-चौबे इत्यादयः अन्ये जनप्रतिनिधयः गणमान्याः नागरिकाश्च उपस्थिताः आसन्।
Hindusthan Samachar / Dheeraj Maithani