मीरजापुरम्, १३ जूनमासः (हि.स.)। ड्रमण्डगंज-क्षेत्रस्य बरबसा-गहरवार-ग्रामे स्थिते आनन्द-कुटीर-आश्रम-स्थले प्रचलन्त्याः श्रीमद्भागवत-कथायाः द्वितीय-दिने शनिवासरे श्रद्धालवः भक्तिरसे पूर्णतया आप्लाविताः अभवन्। कथाव्यासः अनिल-महाराजः श्रीमद्भागवत-महापुराणस्य महिमानं वर्णयन् भक्तेभ्यः भक्ति-ज्ञान-वैराग्ययोः सन्देशं प्रदत्तवान्।

कथावाचन-समये सः उक्तवान् यत् महर्षिणा वेदव्यासेन समस्त-वेदानां पुराणानां च रचनानन्तरं देवर्षि-नारदस्य प्रेरणया श्रीमद्भागवत-महापुराणस्य निर्माणं कृतम्। एतत् ग्रन्थः मानवजीवनं धर्म-ज्ञान-भक्ति-पथे सञ्चालयितुं प्रेरयति।

अनिल-महाराजेन राजा परीक्षितस्य जन्म, तस्य आदर्श-शासनं तथा कलियुगस्य आगमनसम्बद्धाः प्रसङ्गाः विस्तरेण वर्णिताः। सः अवदत् यत् श्रीमद्भागवत-कथायाः श्रवणं, कीर्तनं, मननं च मनुष्यस्य अन्तःकरणं शुद्धयति तथा च तं मोक्षमार्गे अग्रसरं करोति। कथया ईश्वरं प्रति श्रद्धा-समर्पणयोः भावः जागृत: भवति, येन जीवनं सदाचार-धर्मयोः विकासाय प्रेरितं भवति।

कथामध्ये-मध्ये भजनगायकः वंशनारायण-शुक्लेन प्रस्तुतैः भक्तिमयैः भजनैः श्रद्धालवः भावविभोराः कृताः। भजन-कथयोः सङ्गमेन सम्पूर्णं कथा-पण्डालं आध्यात्मिक-वातावरणेन गुंञ्जितम् अभवत्।

अस्मिन् अवसरे अधिवक्ता विजय-नारायण-मिश्रः, उमानाथ-मिश्रः, गौरीशंकर-दुबे, राकेश-तिवारी, लालजी-तिवारी, श्रीधर-मिश्रः, भानु-तिवारी इत्यादयः क्षेत्रस्य गणमान्याः नागरिकाः सहस्रशः श्रद्धालवः च उपस्थिता आसन्।

Hindusthan Samachar / Divya Ranjan