Enter your Email Address to subscribe to our newsletters
कोलकातानगरम्, १३ जूनमासः (हि.स.)। कोलकातानगरस्य ब्रिगेड-संचलन-क्षेत्रे द्वादशे अन्ताराष्ट्रिय-योग-दिवसे भव्यं आयोजनं भविष्यति। अस्मिन् अवसरे प्रधानमन्त्री नरेन्द्रमोदी-महोदयस्य उपस्थितिः प्रस्ताविता अस्ति। अस्मिन् अवसराय भारतसर्वकारस्य आयुष-मन्त्रालयेन एकस्मिन् एव काले सर्वाधिकजनभागितायाः लाइव-योग-कार्यक्रमस्य माध्यमेन गिनीज-विश्वकीर्तिमानस्य निर्माणाय प्रयासः क्रियते।
अस्य वर्षस्य अन्ताराष्ट्रिय-योग-दिवसस्य विषयः “स्वस्थ-वृद्धावस्थायै योगः” इति निर्धारितः अस्ति। अस्य उद्देश्यं सर्वेषां वयःसमूहानां मध्ये योगस्य महत्त्वं प्रकाशयितुं, तथा च शारीरिक-स्वास्थ्यस्य, मानसिक-सन्तुलनस्य, भावनात्मक-सुदृढतायाः च संवर्धनं कर्तुं अस्ति।
आयुष-मन्त्रालयस्य अनुसारं विशेष-अन्तर्जाल-योग-कार्यक्रमः १४ जूनमासे २०२६ तमे वर्षे प्रातः ६:१५ वादने आरभ्य ७:३५ वादने समाप्तः भविष्यति। अस्य कार्यक्रमस्य प्रत्यक्षप्रसारणं मन्त्रालयस्य आधिकारिक-यूट्यूब-माध्यमेन भविष्यति, यत्र प्रतिभागिनः निर्धारितसमये सामान्य-योग-नियमस्य सामूहिकं अभ्यासं करिष्यन्ति।
कार्यक्रमे भागग्रहणे इच्छुकाः जनाः स्व-पञ्जीकृत-व्हाट्सऐप-अंकात् टोल-फ्री-अंक: १८०० ३१५ ७००८ इत्यस्मिन् मिस्ड-कॉल इति दातुं शक्नुवन्ति। पञ्जीकरणानन्तरं प्रतिभागिभ्यः विशेष-लिङ्क प्रेषयिष्यते, येन माध्यमेन ते कार्यक्रमे सम्मिलितुं शक्नुवन्ति।
आयोजकैः उक्तं यत् कार्यक्रमस्य सफलसमापनानन्तरं पञ्जीकृत-प्रतिभागिभ्यः विश्व-कीर्तिमान-प्रयासे भागित्वस्य प्रमाणपत्रं अपि प्रदास्यते। जनानां कृते आह्वानं कृतं यत् ते अस्मिन् अभियाने अधिकाधिकसंख्यया सम्मिलन्तु, स्वपरिवारान्, मित्राणि तथा परिचितान् अपि अस्मिन् योग-दिवस-कार्यक्रमे योजयन्तु।
आयुष-मन्त्रालयस्य मतं यत् एतत् आयोजनं योगस्य माध्यमेन स्वास्थ्यस्य, सामञ्जस्यस्य तथा भारतीय-सांस्कृतिक-धरोहरं प्रति जन-जागरूकतायाः संवर्धने महत्त्वपूर्णः सिद्धः भविष्यति।
Hindusthan Samachar / Divya Ranjan