Enter your Email Address to subscribe to our newsletters
धौलपुरम्, 13 जूनमासः (हि.स.)।
भारतविकासपरिषदः शाखा उत्कर्ष महिला प्रकोष्ठस्य तत्त्वावधाने निःशुल्क संस्कार तथा अभिरुचि शिविरस्य समापनम् अभवत्। नगरस्य महात्मा गांधी सीनियर सेकेंडरी विद्यालये सिटी कोतवाली इत्यत्र आयोजिते शिविरे कक्षा ६ तः १२ पर्यन्तं विद्यार्थिभ्यः उपयोगी प्रशिक्षणं प्रदत्तम्।
समापनसमारोहस्य मुख्यातिथिः भाजपा प्रदेश कार्यसमिति सदस्यः डॉ शिवचरण कुशवाहा उक्तवान् यत् अद्यतनाः विद्यार्थी एव राष्ट्रस्य समाजस्य च भाविनः कर्णधाराः सन्ति। नवीनसंततिं कौशलेन संस्कारेण च सुसज्जितां कर्तुं अस्माकं दायित्वम् अस्ति। एतादृशानां शिविराणाम् आयोजनात् विद्यार्थिनः कौशलशिक्षणस्य अवसरं प्राप्नुवन्ति। शिविरे विद्यार्थिनां कौशलं विकसितं प्रकटितम् अस्ति।
विद्यालयस्य प्रधानाचार्या रमन परमार उक्तवती यत् एतादृशैः शिविरैः विद्यार्थी भाविजीवनाय आवश्यकानि कौशलानि अधिगच्छन्ति। अध्यक्षतां कुर्वन्ती उत्कर्ष शाखायाः महिला संयोजिका इंदिरा जिंदलः अवदत् यत् शिविरस्य मुख्यः उद्देशः विद्यार्थिनां प्रतिभायाः व्यक्तित्वविकासस्य च संवर्धनम् आसीत्।
शिविरे स्वास्थ्यपरीक्षणमपि कृतम्। यस्मिन् दन्तचिकित्सकौ डॉ प्रखर मंगल तथा डॉ केके गोयल एवं नेत्रविशेषज्ञः डॉ अशोक जिंदल बालकानां स्वास्थ्यपरीक्षणम् अकुर्वन्। इत एव न केवलं शिविरस्य स्वास्थ्यपत्रं आनयन्तः बालकाः निजीपरामर्शसमये अपि निःशुल्कपरीक्षणस्य लाभं प्राप्स्यन्ति इति घोषणा कृता। एतत् कौशलं आगामिकाले विद्यार्थिनां कृते उपयोगी भविष्यति।
---------------
Hindusthan Samachar / Dheeraj Maithani