Enter your Email Address to subscribe to our newsletters
बाराबंकी, 14 जूनमासः (हि.स.)।
उत्तरप्रदेशस्य उपमुख्यमन्त्री ब्रजेश पाठकः उक्तवान् यत् गतद्वादशवर्षेषु देशेन सेवा सुशासन निर्धनकल्याण विकासक्षेत्रेषु च अभूतपूर्वाः उपलब्धयः प्राप्ताः।
उपमुख्यमन्त्री ब्रजेश पाठक प्रधानमन्त्रिणः नरेन्द्र मोदिनो नेतृत्वे केन्द्रसर्वकारस्य द्वादशवर्षपूर्णतायाः तथा मुख्यमन्त्रिणः योगी आदित्यनाथस्य नेतृत्वे उत्तरप्रदेशसर्वकारेण सञ्चालितानां जनकल्याणकारीयोजनानां नीतिनां विकासकार्याणां च उपलब्धीनां जनजनपर्यन्तं प्रापणस्य उद्देशेन रविवासरे बाराबंकीजनपदे जिलापञ्चायतसभागारे आयोजिते संवादकार्यक्रमे सम्बोधनं कुर्वन् आसीत्।
तेन उक्तं यत् प्रधानमन्त्रिणः नरेन्द्र मोदिनो नेतृत्वे केन्द्रसर्वकारेण अन्त्योदयभावनया समाजस्य अन्तिमजनपर्यन्तं योजनानां लाभः प्रापितः। प्रधानमन्त्री आवासयोजना आयुष्मानभारतयोजना प्रधानमन्त्री कृषकसम्माननिधिः प्रत्येकगृहजलयोजना स्वच्छभारताभियानम् डिजिटलभारतं आत्मनिर्भरभारतं च इत्यादिभिः कार्यक्रमैः सामान्यजनानां जीवने सकारात्मकपरिवर्तनम् आगतम्।
तेन उक्तं यत् उत्तरप्रदेशे मुख्यमन्त्रिणः योगिनः आदित्यनाथस्य नेतृत्वे विधिव्यवस्था आधारभूतसंरचना स्वास्थ्य शिक्षा निवेश रोजगार महिला सुरक्षा इत्यादिक्षेत्रेषु उल्लेखनीयानि कार्याणि अभवन्। प्रदेशः अद्य देशस्य विकासयात्रायाम् अग्रणीं भूमिकां निर्वहति तथा द्रुतमार्गाः चिकित्सामहाविद्यालयाः विमानपत्तनानि औद्योगिकनिवेशपरियोजनाः च विकासस्य नवीनान् आयामान् स्थापयन्ति।
उपमुख्यमन्त्री माध्यमप्रतिनिधिभिः पृष्टानां विविधप्रश्नानाम् उत्तरं दत्त्वा सर्वकारस्य उपलब्धीनां जनकल्याणकारीयोजनानां भाविविकासकार्यक्रमाणां च विषये विस्तरेण चर्चा अकरोत्।
अस्मिन् अवसरे राज्य मन्त्री कारागार विभागस्य सुरेश राही तथा राज्य मन्त्री खाद्यरसदविभागस्य सतीश चन्द्र शर्मा विधानपरिषदः सदस्यः अंगद सिंह हैदरगढ़विधानसभाक्षेत्रस्य विधायकः दिनेश रावत उत्तरप्रदेश अनुसूचितजाति आयोगस्य अध्यक्षः बैजनाथ रावतो भारतीयजनतापक्षस्य जिलाध्यक्षः राम सिंह वर्मा इत्यादयः अन्ये जनप्रतिनिधयः पक्षपदाधिकारिणः च उपस्थिताः आसन्।
---------------
Hindusthan Samachar / Dheeraj Maithani