शिविरस्य शुभारम्भः वार्ड-पार्षदया हेमंती-कुमारी तथा सदर-चिकित्सालयस्य उपाधीक्षकः डॉ.आनंद-किशोर-उरांव इत्येताभ्यां संयुक्तरूपेण कृतः।

अस्मिन् अवसरे डॉ.आनंद-किशोर-उरांवः उक्तवान् यत् विश्व-रक्तदाता-दिवसः अस्मान् मानवतायाः सेवायाः तथा स्वैच्छिक-रक्तदानस्य महत्त्वं बोधयति। तेन उक्तं यत् देशे प्रतिवर्षं प्रायः १.४ कोटि: यूनिट्-रक्तस्य आवश्यकता भवति, किन्तु खूंटी-जनपदे प्रत्येकमासं प्रायः ४५० यूनिट्-रक्तस्य आवश्यकता भवति। एतत् रक्तं थैलेसीमिया तथा सिकल-सेल-रोगिणां, गर्भवती-स्त्रीणां तथा मार्ग-दुर्घटनायां पीडितानां उपचाराय जीवनरक्षकं भवति। तेन वार्ड-पार्षदा हेमंती-कुमारी इत्यस्याः प्रेरणादायि-प्रयासस्य प्रशंसा कृता तथा अन्येऽपि रक्तदानाय अग्रे आगच्छेयुः इति आह्वानं कृतम्। तेन युवभ्यः उक्तं यत् रक्तदानं महादानम् अस्ति; तेन शरीरे काचित् दुर्बलता न भवति तथा एकेन यूनिट्-रक्तदानेन त्रयः जनाः जीवनं प्राप्नुवन्ति।

वार्ड-पार्षदा हेमंती-कुमारी उक्तवती यत् दतिया-ग्राम-संघटनं सामाजिक-दायित्वानां निर्वहणं कुर्वन् समये समये जनकल्याणकारी-कार्यक्रमान् आयोजयति। भविष्ये अपि आवश्यकानुसारं रक्तदान-शिविराणि आयोजितानि भविष्यन्ति।

समाजसेवी अधिवक्ता केदार-महतोः उक्तं यत् ग्राम-संघटनस्य माध्यमेन खूंटी-रक्तकेन्द्रस्य सहयोगेन नियमितरूपेण रक्तदान-शिविराणि आयोजितानि भविष्यन्ति, येन विशेषतः थैलेसीमिया-पीडितेभ्यः समये रक्तं उपलब्धं भवेत्। तेन युवभ्यः रक्तदानाय प्रेरणा दत्ता तथा स्वयम् प्रथमः रक्तदानं कृत्वा सकारात्मक-सन्देशः प्रदत्तः।

काउंसलर निशान्त-झा रक्तदानस्य लाभान् व्याख्याय युवभ्यः स्वैच्छिक-रक्तदानाय परामर्शं दत्तवान्।

शिविरे दश यूनिट्-रक्तस्य संग्रहः कृतः। रक्तदातृणां नामानि— केदार-महतो, हरिसिंह-पाहन, सुनील-मुंडा, निखिल-महतो, उमेश-कश्यप, मुकेश-कुमार:, राजेश-कुमार:, स्वयं-साहू, रितेश-कुमार: तथा शिव-कुमार: इत्येते आसन्।

कार्यक्रमस्य सफलतायै रक्तकेन्द्रस्य सुशान्त-कुमारः, पूनम-भेंगरा, सुनीता-देवी इत्यादयः सहायकाः महत्त्वपूर्णां भूमिकां निर्वहन्ति स्म।

/ अंशु गुप्ता