Enter your Email Address to subscribe to our newsletters
खूंटीनगरम्, १४ जूनमासः (हि.स.)। महर्षि मेंही-आश्रमः मलियादा-मुरहू-स्थाने रविवासरे विशेष-सत्सङ्गस्य आयोजनं कृतम्। कुप्पाघाट-भागलपुर-आश्रमस्य स्वामी प्रमोद-महाराजेन उक्तं यत् सन्ताः समाजं संयोजयन्ति, सर्वान् सह गन्तुं मानव-उत्थानस्य च उपदेशं कुर्वन्ति।
तेन उक्तं यत् सत्सङ्गः सर्वेषां मानव-जीवने सुधारं जनयति। वयं सर्वे एकस्यैव परमात्मनः सन्ततय: स्मः; सन्त: भाषा-जाति-संप्रदाय-भेदं न स्वीकरोति, अपितु सर्वान् परमात्मना सह संयोजयति।
तेन सुखी-जीवनस्य रहस्यम् अपि वर्णितम्। सत्सङ्गेन स्थलम् अपि पवित्रं भवति तथा नकारात्मकता विनश्यति। स्वामी डॉ.निर्मलानन्द-महाराजेन उक्तं यत् ईश्वरः सर्वव्यापी अस्ति। मनुष्यस्य मनः शक्तिकेन्द्रम् अस्ति; सत्सङ्गेन विवेकः जाग्रतः भवति, यस्य सदुपयोगः स्वाधीनः अस्ति। नशा-हिंसा-आदिभ्यः सर्वदा दूरं भवितव्यम्, सद्कर्मैव सुख-समृद्धेः कारणम् अस्ति।
स्वामी लक्ष्मण-महाराजः, स्वामी नरेंद्रानन्दः, स्वामीसत्यानन्दः, स्वामी-अखिलेश-बाबा, स्वामी लाहिरी-बाबा इत्यादयः अपि उक्तवन्तः यत् सत्सङ्गस्य एकोऽपि क्षणः जीवनं परिवर्तयितुं शक्नोति। विविधैः दृष्टान्तैः जीवन-निर्माणे सत्सङ्गस्य महत्त्वं प्रतिपादितम्।
अस्मिन् अवसरे प्रसादस्य आयोजनम् अपि कृतम्। अत्र डॉ. डी.एन. तिवारी, संजय: सत्संगी, मूचीराय: मुंडा, मंगल: मुंडा, देवमन पूर्ति:, विष्णु: मुंडा, सूरजमल: प्रसाद:, जगन्नाथ: मुंडा, बीरुकुमार:, रामहरिसाव:, कांडे मुंडा, सनिका मुंडा, सुरेशपंडित:, सगुनदास:, सुनीलरजक:, संतोष गुप्ता, सूरजलाल: इत्यादयः अनेके श्रद्धालवः उपस्थिताः आसन्।
Hindusthan Samachar / Divya Ranjan