Enter your Email Address to subscribe to our newsletters
भोपालम्, 14 जूनमासः (हि.स.)।मध्यप्रदेशे उद्यमितायाः नवीनदिशां प्रदातुं रोजगारसृजनस्य गतिं वर्धयितुं च विकसितमध्यप्रदेशनिर्माणस्य संकल्पं साकारं कर्तुं अद्य रविवासरे भोपालनगरे कुशाभाऊठाकरेसभागारे विशालकार्यक्रमस्य आयोजनं भविष्यति।
जनसम्पर्काधिकारी राजेशबैन सूचनां दत्त्वा अवदत् यत् कार्यक्रमे मुख्यमन्त्री डाक्टरमोहनयादवः विभिन्नजनपदेभ्यः आगतानां एमएसएमई उद्यमिनां स्टार्टअपसंस्थानां तथा अन्ययोजनानां हितग्राहिणां कृते एकस्मिन् सङ्केतमाध्यमेन प्रोत्साहनधनराशेः वितरणं करिष्यति। अस्मिन् अवसरे उद्यमिभ्यः भूमिआवंटनपत्राणि स्टार्टअपनीतेः अन्तर्गतं स्वीकृताः विविधाः लाभाः तथा मुख्यमन्त्रीउद्यमक्रान्तियोजनायाः अन्तर्गतं युवभ्यः हितलाभाः अपि वितरिताः भविष्यन्ति। कार्यक्रमे सूक्ष्मलघुमध्यमउद्यममन्त्री चेतन्यकुमारकाश्यपः अपि उपस्थितः भविष्यति।
तेन उक्तं यत् मुख्यमन्त्री डाक्टरमोहनयादवः अस्मिन् अवसरे प्रदेशस्य विभिन्नजनपदेभ्यः आगतैः एमएसएमई उद्यमिभिः स्टार्टअपप्रतिनिधिभिः च सह प्रत्यक्षसंवादं करिष्यति। संवादस्य माध्यमेन उद्यमिनः स्वानुभवान् साझीकरिष्यन्ति तथा च राज्यसर्वकारेण प्रवर्तितानां नीतिनां योजनानां च प्रभावस्य विषये सूचनां प्रदास्यन्ति। सहैव ते उद्यमितां अधिकसुलभां सरलां प्रभावकारीं च कर्तुं स्वसुझावान् अपेक्षाः च प्रस्तुतं करिष्यन्ति।
जनसम्पर्काधिकारिणः अनुसारेण कार्यक्रमे सूक्ष्मलघुमध्यमउद्यममन्त्री चेतन्यकाश्यपः विशेषरूपेण विभागेन प्रदेशे औद्योगिकनिवेशस्य उद्यमितासंवर्धनस्य रोजगारसृजनस्य च क्षेत्रे क्रियमाणानां प्रयासानां विषये सूचनां दास्यति। प्रमुखसचिवः एमएसएमई राघवेन्द्रसिंहः विभागस्य प्रमुखउपलब्धीनां योजनानां भाविकार्ययोजनायाः च उल्लेखं करिष्यति।
तेन सूचितं यत् कार्यक्रमस्य विषयः समृद्धएमएसएमई विकसितमध्यप्रदेश इति स्थापितः अस्ति। सूक्ष्मलघुमध्यमउद्यमविभागः कार्यक्रमे प्रदेशे औद्योगिकनिवेशस्य उद्यमितासंवर्धनस्य रोजगारसृजनस्य च क्षेत्रे क्रियमाणान् प्रयासान् प्रदर्शयिष्यति। अयं कार्यक्रमः प्रदेशस्य एमएसएमई क्षेत्रस्य स्टार्टअपपरिस्थितेः नवाचाराधारितऔद्योगिकविकासस्य च नवीनशक्तिं प्रदातुं दृष्ट्या महत्त्वपूर्णः मन्यते।
उल्लेखनीयम् अस्ति यत् राज्यसर्वकारेण एमएसएमई क्षेत्रं आर्थिकविकासस्य प्रमुखाधारः मन्यमानं निरन्तरं तादृश्यः नीतयः व्यवस्थाः च विकसिताः क्रियन्ते येषां माध्यमेन स्थानीयस्तरे उद्योगस्थापनायाः प्रोत्साहनं भवति युवेषु स्वजीविकानां च।
---------------
Hindusthan Samachar / Dheeraj Maithani