नीस, फ्रान्सदेश:, १४ जूनमासः (हि.स.)। फ्रान्स-देशस्य राष्ट्रपतिना इमैनुएल्-मैक्रोन्-महोदयेन भारतस्य प्रधानमन्त्री नरेन्द्र-मोदी-महोदयाय भारतस्य दीर्घतमकालं निर्वाचित-प्रधानमन्त्रित्वं वहनस्य उपलब्धिं प्रति हार्दा: शुभकामना: प्रदत्ता:।

तेन उक्तं यत् एषा दीर्घा यात्रा प्रधानमन्त्रिणः मोदी-महोदयस्य दृढ-सङ्कल्पं तथा भारतस्य वर्धमान-शक्तिं प्रदर्शयति। फ्रान्स-देशस्य नीस-नगरे आयोजिते कार्यक्रमे तेन स्व-सन्देशे उक्तं— “एषा यात्रा भवतः दृढ-सङ्कल्पस्य तथा भवतः राष्ट्रस्य शक्तेः प्रतीकं वर्तते; एषा वास्तवतः उल्लेखनीया अस्ति। अतः वयं भवन्तं स्वमध्ये पश्यन्तः अत्यन्तं गौरवम् अनुभवामः।”

उल्लेखनीयम् अस्ति यत् प्रधानमन्त्री नरेन्द्र-मोदी-महोदयः फ्रान्स-देशे आयोजिते जी-७ शिखर-सम्मेलने भागं ग्रहीतुं प्राप्तवान् अस्ति। अस्मिन् वैश्विक-मञ्चे उभयोः देशयोः शीर्ष-नेतृभिः सह द्विपक्षीय-संबन्धानां तथा सामरिक-सहभागितायाः सुदृढीकरण-विषये चर्चा अपि प्रस्ताविता अस्ति।

Hindusthan Samachar / Divya Ranjan