लखनऊनगरम्, १४ जूनमासः (हि.स.)। रिपब्लिकन-पार्टी-ऑफ-इण्डिया इत्यस्य राष्ट्रियाध्यक्षः तथा केन्द्रीय-सामाजिक-न्याय-अधिकारिता-मन्त्री डॉ.रामदास-आठवले-महोदयः रविवासरे राजधानी-लखनऊ-नगरस्थिते सिडको-भवने उत्तरप्रदेश-इकायाः एकां महत्त्वपूर्णां समीक्षा-सभां सम्बोधितवान्। अस्यां सभायां प्रदेशस्य विविधेभ्यः भागेभ्यः आगताः वरिष्ठ-पदाधिकारिणः कार्यकर्तारश्च भागं गृहीतवन्तः।

सभायाः मध्ये पक्षस्य प्रदेश-स्तरीय-विस्तारः तथा अग्रिम-कार्ययोजनाया: विषये विस्तृत-चर्चा कृता। डॉ.आठवले-महोदयेन कार्यकर्तृभ्यः आह्वानं कृत्वा उक्तं यत् रिपब्लिकन-पार्टी-ऑफ-इण्डिया उत्तरप्रदेशे पूर्ण-ऊर्जया सह संघर्षं कुर्वती अस्ति। तेन बलपूर्वकम् उक्तं यत् पक्ष: समाजस्य शोषित-वञ्चित-पीडित-वर्गाणां सशक्त-वाणी भवितुं कटिबद्ध: अस्ति।

अस्मिन् अवसरे तेन पक्षस्य प्रदेशाध्यक्षस्य पवन-भाई-गुप्ता-महोदयस्य सक्रिय-नेतृत्वस्य प्रशंसा कृता। राष्ट्रियाध्यक्षेन उक्तं यत् श्री-गुप्तस्य कुशल-मार्गदर्शने उत्तरप्रदेशे संगठनस्य विस्तारः तीव्रगत्या भवति। पवन-भाई-गुप्ता केवलं दूरस्थ-प्रदेशेषु अपि संघटनस्य विस्तारं कुर्वन्ति, अपि च कार्यकर्तृभिः सह प्रत्यक्ष-संवादं स्थापयित्वा तेषु नूतन-ऊर्जायाः सञ्चारं कुर्वन्ति। तेषां परिश्रमस्य संघटन-कौशलस्य च फलस्वरूपं प्रदेशस्य सर्वेषु जनपदेषु, ब्लॉक-स्तरे तथा तहसील-स्तरे पक्षस्य आधारः सुदृढः भवति।

विजयस्य मन्त्रं दत्तवान् डॉ.आठवले

डॉ.आठवले-महोदयेन पक्ष: “एकः परिवारः” इति उक्त्वा कथितं यत् यदि वयं जनपद-तहसील-ब्लॉक-ग्राम-स्तरे परिश्रमेण कार्यं कुर्मः तर्हि निश्चितं सकारात्मकं परिणामं भविष्यति। तेन पदाधिकारिणः निर्देशिताः यत् ते जनहित-विषयान् गृह्णीयुः जनसमुदायं प्रति गच्छेयुः तथा निरन्तरं जनसभाः आयोजयेयुः।

सभायां निर्णयः कृतः यत् संघटनं अधिक-सुदृढं कर्तुं बूथ-स्तरं यावत् सदस्यता-अभियानं तीव्रं करिष्यते। प्रदेशाध्यक्षः पवन-भाई-गुप्ता-महोदयः विश्वासं दत्तवान् यत् पक्ष: डॉ.आठवले-महोदयस्य दृष्टिकोणं भूमौ स्थापयित्वा उत्तरप्रदेशे शोषित-समाजस्य अधिकार-संरक्षणार्थं पूर्ण-प्रतिबद्धतया कार्यं करिष्यति। सभायां विभिन्न-प्रदेशीय-पदाधिकारिणः स्वविचारान् प्रस्तुतवन्तः तथा अग्रिम-समस्याभ्यः एकतया समक्षं कर्तुं संकल्पं कृतवन्तः।

Hindusthan Samachar / Divya Ranjan