सीवानम्, 14 जूनमासः (हि.स.)।

विश्वरक्तदातृदिवसस्य अवसरे रविवासरे नगरस्य पीदेवीमोडस्थिते सिटीपैलेसमैरिजहालएण्डहोटले टीमसारथी तथा डिस्ट्रिक्टब्लडडोनरटीम डीबीडीटी सीवानस्य संयुक्ततत्त्वावधाने महत्तररक्तदानशिविरस्य आयोजनं कृतम्।

कार्यक्रमस्य शुभारम्भः जिलाधिकारी विवेकरञ्जनमैत्रेयेन स्वयम् रक्तदानं कृत्वा कृतः।

शिविरे जनपदस्य विभिन्नक्षेत्रेभ्यः आगताः शतशः युवानः उत्साहपूर्वकं रक्तदानं कृतवन्तः। रक्तदातृभ्यः प्रोत्साहनार्थं स्मृतिचिह्नानि प्रमाणपत्राणि च प्रदाय सम्मानः कृतः। डीबीडीटी संस्थापकसचिवः नेमतुल्लाहखान अवदत् यत् थैलेसीमिया कर्कटरोगः एप्लास्टिकएनीमिया इत्यादिभिः गम्भीररोगैः पीडितानां रोगिणां कृते नियमितरक्तदानं जीवनदानस्य सदृशम् अस्ति।

तेन युवभ्यः नियमितरूपेण रक्तदानं कर्तुं प्रार्थना कृता। अस्मिन् अवसरे जिलाधिकारी विवेकरञ्जनमैत्रेयः अवदत् यत् रक्तदानं मानवसेवायाः श्रेष्ठतमं कार्यम् अस्ति। रक्तस्य एकैकः अंशः आवश्यकतायुक्तस्य कस्यचित् जनस्य नवीनजीवनं दातुं शक्नोति। समाजस्य प्रत्येकः स्वस्थः नागरिकः स्वैच्छिकरक्तदानाय अग्रे आगन्तव्यम्। युवजनानां एषा सहभागिता समाजे सकारात्मकपरिवर्तनस्य सन्देशं प्रददाति।

कार्यक्रमस्य आयोजकः साहिलमकसूदः अवदत् यत् रक्तदानस्य विषये जनान् जागरूकान् कर्तुं रक्ताभावस्य निवारणार्थं च अस्य शिविरस्य आयोजनं कृतम्। तेन सर्वेभ्यः रक्तदातृभ्यः सहयोगिभ्यः च कृतज्ञता प्रकटिता।

शिविरे बहुसंख्यया समाजसेवकाः युवजनाः गण्यमान्यजनाः च उपस्थिताः आसन्। रक्तकोषस्य नोडलाधिकारी डाक्टरअनूपकुमारदुबे तथा डाक्टरअङ्कुरकुमारश्रीवास्तवयोः नेतृत्वे रक्तदानकार्यं सम्पन्नम्।

Hindusthan Samachar / Dheeraj Maithani