नवदेहली, १४ जूनमासः (हि.स.)। संसदीय-कार्य-अल्पसंख्यक-कार्य-मन्त्री किरेण-रिजिजू-महोदयः तथा कांग्रेस-अध्यक्षः मल्लिकार्जुन-खरगे-महोदयेन सह अनेके मन्त्रिणः रविवासरे ‘विश्व-रक्तदाता-दिवसस्य’ अवसरे रक्तदातृभ्यः कृतज्ञतां व्यक्तवन्तः, जनजागरण-वर्धनाय च सन्देशान् प्रसारितवन्तः।

किरेण-रिजिजू-महोदयः ‘एक्स’ इत्यत्र उक्तवान् यत् “रक्तस्य एका इकाई कस्यचित् आवश्यकताग्रस्तस्य जनस्य जीवन-मरणयोः मध्ये महत्त्वपूर्णं भेदं जनयितुं शक्नोति। आगच्छामः, वयं अधिकाधिकान् जनान् रक्तदानाय प्रेरयेम तथा प्राण-रक्षणे साहाय्यं कुर्मः।”

खरगे-महोदयः उक्तवान्— “रक्तदानं कुरुत, कस्यचित् जीवनं रक्षत। विश्व-रक्तदाता-दिवसस्य अवसरे अहं तान् असंख्यान् स्वैच्छिक-रक्तदातॄन् प्रणमामि धन्यवादं च ददामि, येषां निःस्वार्थ-कार्येण आवश्यकताग्रस्तेभ्यः जनेभ्यः आशा, स्वास्थ्यलाभः, जीवनस्य नूतनः अवसरश्च प्राप्यते।”

केन्द्रीय-संस्कृति-पर्यटन-मन्त्री उक्तवान् यत् विश्व-रक्तदाता-दिवसस्य हार्दिकाः शुभकामनाः। रक्तदानं महद्दानम् अस्ति, रक्तदातारश्च समाजस्य मानवतायाश्च अमूल्य-सेवकाः सन्ति। आगच्छामः, अद्य वयं सर्वे एतत् सङ्कल्पं कुर्मः यत् रक्तदानं कृत्वा मानव-जीवन-रक्षणाय स्वकीयं महत्त्वपूर्णं योगदानं दास्यामः।

वस्त्र-मन्त्री गिरिराज-सिंह-महोदयः उक्तवान् यत् विश्व-रक्तदाता-दिवसस्य अवसरे आगच्छामः, वयं सर्वे मिलित्वा रक्तदानस्य सङ्कल्पं कुर्मः। भवतः लघुः अपि प्रयासः कञ्चित् नवजीवनं दातुं शक्नोति। “रक्तदानं कुरुत, जीवनं रक्षत।”

पत्तन-पोत-जलमार्ग-मन्त्री सर्बानन्द-सोनोवाल-महोदयः उक्तवान्— “आगच्छामः, वयं सर्वे एकत्र भूत्वा रक्तदानं सामूहिक-उत्तरदायित्वरूपेण स्वीकुर्मः।”

केन्द्रीय-उपभोक्ता-कार्य-मन्त्री प्रह्लाद-जोशी-महोदयः उक्तवान् यत् सेवा-भावनायाः संवर्धनं निरन्तरं करणीयम्। अधिकाधिकाः जनाः अग्रे आगत्य रक्तदानाय प्रेरणीयाः, येन स्वस्थस्य अधिक-करुणामयस्य च समाजस्य निर्माणं भवेत्।

Hindusthan Samachar / Divya Ranjan