Enter your Email Address to subscribe to our newsletters
नोएडा, 15 जूनमासः (हि.स.)।पञ्चविंशतिवर्षाणां दीर्घप्रतीक्षायाः, बहुवारं स्वीकृत्यस्वीकृत्योः अनन्तरं अन्ततः पश्चिम उत्तर प्रदेशस्य जनानां नेत्रेषु पोषितः एकः महान् स्वप्नः सोमवासरस्य प्रातःकाले वास्तविकतायां परिणतः। नोएडा इन्टरनेशनल विमानपत्तनात् यात्रिकसेवानां प्रारम्भेन सह जेवरस्य नाम विमानसञ्चालनमानचित्रे अभिलिखितम् अभवत्। अस्य ऐतिहासिक यात्रायाः आरम्भः के राम मोहन नायडू नामकेन केन्द्रीय नागरविमानमन्त्रिणा कृतः। तेन बेंगलुरु नगरस्य विमानयानस्य प्रस्थानार्थं हरितध्वजः प्रदर्शितः। अपरत्र लखनऊ नगरात् आगतायां प्रथमविशिष्टविमानयात्रायां अनेकाः विशिष्टजनाः तथा पञ्चसप्ततिः प्रमुखव्यवसायिनः अस्य ऐतिहासिकक्षणस्य साक्षिणः अभवन्।
नोएडा इन्टरनेशनल विमानपत्तनात् अद्य लखनऊ, बेंगलुरु, हैदराबाद तथा अमृतसर नगराणां कृते विमानसेवाः आरब्धाः।
इण्डिगो विमानसंस्थायाः प्रथमं विमानयानं बेंगलुरु नगरं प्रति प्रस्थितम्, यस्य शताशीतिः आसनानां मध्ये अष्टषष्ट्यधिकशतम् आसनानि पूर्वमेव आरक्षितानि आसन्। हैदराबाद नगरस्य द्वितीयविमानसेवायाः कृते शताशीत्यासनानां मध्ये अष्टत्रिंशदधिकशतम् आसनानि आरक्षितानि आसन्। एवमेव अमृतसर नगरस्य कृते शताशीत्यासनानां मध्ये त्रयधिकशतम् आसनानि आरक्षितानि आसन्। अस्य विमानपत्तनस्य शिलान्यासः पञ्चविंशतितमे नवम्बर मासस्य दिनाङ्के द्विसहस्रैकविंशत्युत्तरवर्षे प्रधानमन्त्रिणा नरेन्द्र मोदी कृतः आसीत्। अस्य विमानपत्तनस्य निर्माणस्य सर्वेषां चरणानां कार्यसमाप्तेः अनन्तरं एशियाखण्डस्य विशालतमस्य विमानपत्तनस्य अभिलेखः अपि अस्य जनपदस्य नाम्ना अभिलिखितः भविष्यति।
निर्धारितकार्यक्रमानुसारं नोएडा इन्टरनेशनल विमानपत्तनात् प्रथमजुलाईमासस्य अनन्तरं षोडश नगराणां कृते नियमितविमानसेवाः आरभ्यन्ते। अत्र त्रिसहस्रनवशतमीटरदीर्घात् विमानमार्गात् प्रतिदिनं अष्टाविंशतिः विमानानि आरोहणावतरणक्रियां करिष्यन्ति। आरम्भे इण्डिगो तथा अकासा विमानसंस्थयोः विमानानि सञ्चालितानि भविष्यन्ति। सोमवासरे प्रथमदिने लखनऊ तथा बेंगलुरु नगरयोः विशेषविमानसेवाः आरब्धाः। तदनन्तरं हैदराबाद तथा अमृतसर नगरयोः सामान्यविमानसेवाः निर्धारिताः सन्ति। षोडश जून मासे इण्डिगो संस्था जम्मू नगरस्य कृते तथा अकासा संस्था नवी मुम्बई तथा बेंगलुरु नगरयोः कृते विमानसेवाः प्रारम्भं करिष्यति। प्रथम जुलाईमासात् नवी मुम्बई, बरेली, जयपुर, भोपालादीनां देशस्य अन्येषां नगराणां कृते प्रत्यक्षविमानसेवा उपलब्धा भविष्यति। इण्डिगो तथा अकासा विमानसंस्थे स्वीयां समयसारिणीं प्रकाशितवत्यौ। एयर इण्डिया एक्सप्रेस विमानसंस्थया अद्यावधि समयसारिणी न प्रकाशिताऽस्ति।
सप्तदश जून मासात् आरभ्य मालवाहक विमानसेवा अपि प्रारभ्यते।
नोएडा विमानपत्तनात् सप्तदश जून मासात् मालवाहक विमानयानानि अपि सञ्चालितानि भविष्यन्ति। प्रथमं मालवाहकविमानं देशान्तर्गतं भविष्यति। किन्तु प्रथम जुलाईमासात् एतासां विमानसेवानाम् अपि विस्तारः भविष्यति। विमानपत्तने एयर इण्डिया सेट्स संस्थया त्रिंशत् एकर भूमिक्षेत्रे मालवाहनकेन्द्रं निर्मितम् अस्ति। अस्य प्रतिवर्षं द्विलक्षपञ्चपञ्चाशत्सहस्र मेट्रिकटन मालवाहनक्षमता अस्ति।
नोएडा लखनऊ नगरयोः मध्ये प्रथम जुलाईमासात् चतस्रः विमानसेवाः प्रारभ्यन्ते।
समयसारिण्यानुसारं विमानसंख्या षट् ई सप्तषष्टि द्विसहस्रपञ्चविंशतिः प्रातः सप्तवादनचत्वारिंशत् निमेषे लखनऊ नगरात् प्रस्थाय अष्टवादनपञ्चपञ्चाशत् निमेषे नोएडा प्राप्स्यति। तथैव विमानसंख्या षट् ई सप्तषष्टि द्विसहस्रचतुर्विंशतिः प्रातः षड्वादने नोएडातः प्रस्थाय सप्तवादनदश निमेषे लखनऊ नगरं प्राप्स्यति। अपराह्णे पञ्चदशवादनपञ्च निमेषे विमानसंख्या षट् ई सप्तषष्टि द्विसहस्राष्टाविंशतिः नोएडातः प्रस्थाय षोडशवादनपञ्चदश निमेषे लखनऊ नगरं प्राप्स्यति। रात्रौ विमानसंख्या षट् ई सप्तषष्टि द्विसहस्रनवविंशतिः एकविंशतिवादनपञ्चत्रिंशत् निमेषे लखनऊ नगरात् प्रस्थाय द्वाविंशतिवादनपञ्चाशत् निमेषे नोएडा प्राप्स्यति। लखनऊ नगरस्य अतिरिक्तं नोएडातः जयपुर, चण्डीगढ, भोपाल तथा देहरादून इत्यादीनां नगराणां कृते अपि प्रथम जुलाईमासात् प्रतिदिनविमानसेवाः आरभ्यन्ते।
नोएडा विमानपत्तनपर्यन्तं यात्रिकाणां सुविधां प्रदातुं यमुना इन्टरनेशनल विमानपत्तन लिमिटेड संस्थया अनेकाभिः संस्थाभिः सह सहमतयः कृताः। हरियाणा तथा उत्तर प्रदेशस्य मार्गपरिवहनबसयानानि पञ्चदश जून मासात् विमानपत्तनस्य कृते सञ्चालितानि भविष्यन्ति। उत्तर प्रदेशस्य बसयानानि आगरा, फिरोजाबाद, हस्तिनापुर, मथुरा, अलीगढ, एटा, कासगञ्ज तथा लखनऊ नगरात् प्रत्यक्षरूपेण विमानपत्तनपर्यन्तं गमिष्यन्ति। हरियाणा मार्गपरिवहनस्य बसयानानि पलवल, फरीदाबाद, गुरुग्राम तथा चण्डीगढ नगरात् यात्रिकाणां यात्रां सरलां करिष्यन्ति।
नोएडा विमानपत्तने स्वयंचालिताः पञ्जीकरणयन्त्राः स्थापिताः सन्ति। अत्र यात्रिकाः पङ्क्तौ स्थातुं विना कतिपयक्षणेषु प्रवेशपत्रं प्राप्तुं शक्
---------------
Hindusthan Samachar / Dheeraj Maithani