लखनऊनगरम्, १५ जूनमासः (हि.स.)। भारतीय-जनता-पक्षस्य वरिष्ठ-नेता उत्तरप्रदेशस्य उपमुख्यमन्त्री च केशवप्रसाद-मौर्य-महोदयः उक्तवान् यत् बिहार-राज्ये राष्ट्रिय-जनता-दलस्य तथा पश्चिमबङ्गाले तृणमूल-काङ्ग्रेस-दलस्य पराजयेन भाजपायाः ऐतिहासिक-विजयेन च समाजवादी-पक्षस्य राष्ट्रीय-अध्यक्षस्य अखिलेश-यादवस्य चिन्ता वर्धिता अस्ति। सः उक्तवान् यत् अखिलेश-यादवः इत्थं निराशः हताशश्च जातः यत् उत्तरप्रदेशे स्वपक्षस्य भविष्यं तस्मै धूमिलं दृश्यते। अस्यैव विषादस्य कारणात् सः अनुत्तरदायित्वपूर्णानि वक्तव्यानि ददाति तथा भेषण-प्रदर्शनस्य प्रवृत्तिम् आश्रयति।

उपमुख्यमन्त्रिणा सामाजिक-माध्यमेषु प्रकाशिते स्वसन्देशे उक्तं यत् भारतस्य मूलाधारः लोकतन्त्रम् अस्ति। अत्र निर्वाचनानि कस्यचित् दलस्य इच्छानुसारं न भवन्ति, अपितु संविधानस्य व्यवस्थाः अनुसृत्य प्रतिपञ्चवर्षं सम्पन्नानि भवन्ति। जनतैव अन्तिमः निर्णायकः अस्ति।

सः अपि उक्तवान् यत् २०४७ तम वर्षपर्यन्तं विकसित-भारतस्य सङ्कल्पेन सह भाजपायाः कमलं निरन्तरं प्रस्फुटितं भविष्यति, यदा नकारात्मकता-हताशा-आधारिता राजनीति समाजवादी-पक्षं अधिकं दुर्बलं करिष्यति।

Hindusthan Samachar / Divya Ranjan