नवदेहली, १५ जूनमासः (हि.स.)। महाराष्ट्रस्य सोलापुर-जनपदे अभवद् मार्ग-दुर्घटनां प्रति भारतगणराज्यस्य राष्ट्रपतिः द्रौपदी-मुर्मू तथा उपराष्ट्रपतिः सी.पी.राधाकृष्णन् शोकं व्यक्तवन्तौ। उभावपि दुर्घटनायां प्राणान् त्यक्तवतां जनानां परिजनान् प्रति संवेदनाः प्रकट्य आहतानां शीघ्र-स्वास्थ्यलाभाय शुभकामनाः प्रदत्तवन्तौ।

राष्ट्रपतिः द्रौपदी-मुर्मू सोमवासरे सामाजिक-माध्यम-मञ्चे ‘एक्स’ इत्यत्र प्रकाशिते स्वसन्देशे उक्तवती यत् महाराष्ट्रस्य सोलापुर-जनपदे वाहन-दुर्घटनायां जनानां मृत्योः समाचारः अत्यन्तं दुःखदः पीडाजनकश्च अस्ति। सा शोकसन्तप्त-परिवारान् प्रति स्वस्य संवेदनाः प्रकटय्य ईश्वरं प्रार्थितवती यत् सः एतस्मिन् कठिन-समये तेभ्यः धैर्यं बलं च प्रददातु। राष्ट्रपतिः दुर्घटनायां आहतानां जनानाम् शीघ्र-स्वास्थ्यलाभस्य अपि कामनाम् अकरोत्।

उपराष्ट्रपतिः सी.पी.राधाकृष्णन् अपि दुर्घटनां प्रति शोकं व्यक्तवान्। सः उक्तवान् यत् सोलापुर-जनपदे अभवद् दुर्घटनायां जनानां मृत्युः अत्यन्तं दुःखदः अस्ति। तेन मृतकानां परिजनान् प्रति संवेदनाः प्रकटिताः तथा आहतानां शीघ्र-स्वास्थ्यलाभाय प्रार्थना कृता। उपराष्ट्रपतिः उक्तवान् यत् अस्यां दुःखद-घटिकायां सम्पूर्णः देशः पीडित-परिवारैः सह तिष्ठति।

उल्लेखनीयम् अस्ति यत् सोलापुर-जनपदस्य मालशिरस्-तालुके रविवासरे महती दुर्घटना अभवत्। पण्डरपुरं प्रति गच्छद्भिः श्रद्धालुभिः पूर्णं लघु-मालवाहक-वाहनं म्हसवड-पण्डरपुर-मार्गे तांदुलवाडी-ग्रामस्य समीपे अकस्मात् अनियन्त्रितं भूत्वा मार्गपार्श्वस्थिते गभीरे कूपे पतितम्। दुर्घटनासमये वाहने प्रायः चतुर्दश श्रद्धालवः आरूढाः आसन्।

दुर्घटनानन्तरं स्थानीय-जनाः, आरक्षक-कर्मचारिणः तथा उद्धार-दलस्य सदस्याः तत्कालमेव घटनास्थलं प्राप्य उद्धार-अभियानम् आरब्धवन्तः। तथापि कूपे पतनात् कारणात् बहवः जनाः जले निमग्नाः अभवन्। अस्यां दुर्घटनायां श्वासावरोधेन जलमज्जनेन च अष्ट श्रद्धालवः घटनास्थले एव मृताः, षट् जनाः च सुरक्षितरूपेण उद्धृताः। आहताः उपचारार्थं समीपस्थानां चिकित्सालयानां मध्ये नियुक्ति-कृताः सन्ति।

Hindusthan Samachar / Divya Ranjan