फर्रुखाबादम्, 15जूनमासः (हि.स.)।पुरुषोत्तममासस्य सोमवती अमावास्यायां शतशः भक्ताः गङ्गातटस्थितं पांचालघाटं प्राप्तवन्तः तथा नदीमध्ये श्रद्धया स्नानं कृत्वा दानं च कृत्वा पुण्यलाभम् अकुर्वन्।

बच्चा स्वामी कथयति यत् पुरुषोत्तममासे सोमवासरे अमावास्यायाः आगमनकारणात् सोमवती अमावास्यायाः संयोगः दुर्लभः अस्ति। अस्मिन् दिने गङ्गास्नानं दानपुण्यं च करणेन पितॄणां शान्तिः भवति। यदि कस्यचित् व्यक्तेः पितृदोषः अस्ति तर्हि सः अपि शान्तः भवति।

स्वामीजिः कथयति यत् अयं संयोगः षोडशवर्षाणां अनन्तरं प्राप्तः अस्ति। अस्य कारणात् गङ्गास्नानार्थं आगतानां भक्तानां भीडः जनपदस्य सर्वेषु घाटेषु दृश्यते। सिंगीरामपुरघाटे ढाईघाटे किलाघाटे रानीघाटे अटेना घाटे च गङ्गाभक्तानां समूहः दृश्यते किन्तु सर्वाधिकः जनसमूहः पांचालघाटे समागतः। बच्चा स्वामी कथयति यत् पांचालघाटस्थिते तस्य आश्रमे अत्र आगच्छद्भ्यः साधुसन्न्यासिभ्यः निःशुल्कभोजनस्य जलपानस्य च व्यवस्था कृता अस्ति।

तस्य कथनानुसारं पांचालघाटे गङ्गाभक्तानां जनसमूहः प्रातःकालात् एव समागन्तुं आरब्धः तथा भक्ताः तृप्तिपर्यन्तं स्नानं कृतवन्तः। गङ्गाभक्तानां विशालजनसमूहस्य कारणेन अनेकस्थानेषु मार्गावरोधस्य स्थितिः अभवत्। किन्तु जनपदप्रशासनम् अपि पूर्णतया सक्रियं दृष्टम्।

जनपदप्रशासनस्य यातायातस्य पुनर्सञ्चालनार्थं महान् प्रयासः कर्तव्यः अभवत्। अधुना गङ्गातटे पांचालघाटे स्नानकार्यं निरन्तरं प्रवर्तते तथा च अद्य विशेषरूपेण जनाः स्वस्वपितॄणां तर्पणं कृत्वा तेषां परमलोकप्राप्तये प्रार्थनां कुर्वन्ति।------------

Hindusthan Samachar / Dheeraj Maithani