नवदिल्ली, 15 जूनमासः (हि.स)।

केन्द्रसर्वकारः सोमवासरे उक्तवान् यत् देशे पेट्रोल, डीजल तथा एलपीजी इत्येषां आपूर्तिः स्थिरा वर्तते। पश्चिम एशियासंकटस्य अस्तित्वे अपि शोधनशालाः स्वस्य पूर्णक्षमतया कार्यं कुर्वन्ति। सहैव कच्चतैलस्य सञ्चयः अपि पर्याप्तमात्रायां धार्यते।

पेट्रोलियम तथा प्राकृतिकवायुमन्त्रालयस्य संयुक्तसचिवा सुजाता शर्मा नूतनदिल्ली नगरे आयोजितां अन्तरमन्त्रालयीयपत्रकारवार्तां सम्बोधयन्ती उक्तवती यत् देशे पेट्रोल, डीजल तथा गार्हस्थ्यपाकवायोः एलपीजी इत्यस्य आपूर्तिः स्थिरा एव अस्ति। शोधनशालाः स्वस्य पूर्णक्षमतया कार्यं कुर्वन्ति तथा च कच्चतैलस्य सञ्चयः अपि पर्याप्तमात्रायां संरक्षितः अस्ति।

सुजाता शर्मा स्वस्य सम्बोधने उक्तवती यत् केषुचित् विक्रयकेन्द्रेषु विक्रयस्य असामान्यवेगेन वृद्धिः दृश्यते। अस्य मुख्यकारणम् अस्ति यत् औद्योगिकाः, प्रत्यक्षाः, संस्थागताः, व्यावसायिकाः तथा वाणिज्यग्राहकाः अधुना विक्रयकेन्द्रेभ्यः एव ईंधनं क्रेतुं आरब्धवन्तः, येन तत्र विक्रयः वर्धितः। मईमासे द्विचत्वारिंशत् कोटि डीजलस्य विक्रयः स्थूलविक्रयात् विक्रयकेन्द्रेषु स्थानान्तरितः।

पोतपरिवहन तथा जलमार्गमन्त्रालयस्य निदेशकः ओपेश कुमार शर्मा अवदत् यत् एलएनजी वाहकः दिशा नामकः पोतः द्विषष्टिसहस्रत्रिशतसप्तति मेट्रिकटन एलएनजी भारं वहन् होर्मुज जलसन्धेः सुरक्षितरूपेण गमनं कृतवान्। सः उक्तवान् यत् अस्य पोतस्य अष्टादश जूनमासदिने दहेज स्थले आगमनस्य अपेक्षा अस्ति।

ओपेश कुमार शर्मा उक्तवान् यत् पत्तन, नौपरिवहन तथा जलमार्गमन्त्रालयं नाविकानां कल्याणस्य सुनिश्चित्यर्थं तथा च तेषां सर्वप्रकारसहायतां प्रदातुं विदेशमन्त्रालयेन, विदेशस्थितैः भारतीयदूतावासैः, नौपरिवहनकम्पनीभिः तथा अन्यैः सम्बद्धपक्षैः सह निरन्तरं समन्वयं धारयति।

उल्लेखनीयम् अस्ति यत् पश्चिम एशियाक्षेत्रे विगत अष्टाविंशतितमे फेब्रुवरीमासदिने आरब्धस्य युद्धस्य समापनार्थम् अमेरिका तथा ईरान देशयोः मध्ये अद्य शान्तिसमझौते सहमति अभवत्। अस्मिन् समझौते स्विट्जरलैण्डदेशे एकोनविंशतितमे जूनमासदिने हस्ताक्षरं भविष्यति।

-----------

Hindusthan Samachar / Dheeraj Maithani