Enter your Email Address to subscribe to our newsletters
रुद्रप्रयागनगरम्, १५ जूनमासः (हि.स.)। कृषि-मन्त्री तथा रुद्रप्रयाग-जनपदस्य प्रभारी-मन्त्री गणेश जोशीमहोदयः केदारनाथ-यात्रा-व्यवस्थायाः तथा वर्षा-कालस्य आपदा-प्रबन्धन-सज्जानां विस्तृतं समीक्षणं कृत्वा अधिकारिण: प्रति श्रद्धालूनां सुरक्षा, स्वच्छता तथा सुगम-यात्रा सुनिश्चितीकरणाय निर्देशान् दत्तवान्।
सोमवासरे जनपद-कार्यालय-सभागारे आयोजितायां समीक्षा-सभायां मन्त्री महोदयः यात्रा-मार्गे शौचालय-व्यवस्था, पेयजलं, विद्युत्-आपूर्ति, सोलर-दीप-व्यवस्था, शटल-सेवा, यातायात-नियोजनं तथा पार्किङ्ग-व्यवस्था इत्यादीनां स्थितिं समीक्षितवान्। तेन स्वच्छतायाः पालनं, पर्याप्त-स्वच्छता-कर्मचारिणां सज्जता तथा सेक्टर-मजिस्ट्रेट इत्येतै: नियमित-निरीक्षणं सुनिश्चितं कर्तुं निर्देशः दत्तः।
मानसून-समये सम्भाव्य-आपदां दृष्ट्वा संवेदनशील-स्थलेषु जेसीबी-यन्त्राणि अन्य-यन्त्रसामग्रीश्च पूर्वमेव सज्ज: भवितुं तथा राहत-उद्धार-व्यवस्थाः पूर्णतया सज्जाः कर्तुं निर्देशः दत्तः। होल्डिंग-क्षेत्रेषु रोकेषु श्रद्धालुभ्यः पेयजलं, शौचालय:, चिकित्सा तथा प्रकाश-व्यवस्था सुनिश्चितीकरणाय अपि बलं दत्तम्।
मन्त्री महोदयः सामाजिक-माध्यमेषु प्रसारितानां भ्रामक-समाचाराणां निगराण्याः तथा मिथ्या-विवरणानां तत्कालं खण्डनस्य निर्देशं दत्तवान्। तेन स्पष्टं उक्तं यत् दुष्प्रचार-प्रसारकाणां विरुद्धं नियमेन कार्यवाही क्रियताम्।
जनपद-प्रशासनेन उक्तं यत् अद्यावधि द्वादश-लक्षाधिकाः श्रद्धालवः केदारनाथ-दर्शनं कृतवन्तः। यात्राकाले एक-लक्ष-अशीत्यधिक-जनानां चिकित्सा-सुविधा प्रदत्ता, ८३ गम्भीर-रोगिणः हेली-उद्धारद्वारा उच्च-चिकित्सा-संस्थानेषु प्रेषिताः।
अस्मिन् अवसरे आपात-परिचालन-केन्द्रस्य तथा यात्रा-निरीक्षण-केन्द्रस्य अपि निरीक्षणं कृत्वा मन्त्री महोदयः समन्वयपूर्वकं कार्यं कर्तुं तथा श्रद्धालुभ्यः सुरक्षित-सुविधायुक्त-यात्रां प्रदातुं पुनः निर्देशं दत्तवान्।
Hindusthan Samachar / Divya Ranjan