कायमगञ्जनगरम्, १५ जूनमासः (हि.स.)। उत्तरप्रदेशस्य फर्रुखाबाद-जनपदस्य कायमगञ्ज-नगरे स्वर्गीय-चन्द्रप्रकाश-अग्रवालस्य तथा स्वर्गीय-शकुन्तला-देव्या: स्मृत्यर्थं सीपी-अतिथिगृहे श्रीमद्भागवत-कथायाः आयोजनं प्रचलति। अस्य आयोजनस्य संयोजनं समाजसेविना सत्यप्रकाश-अग्रवाल-महोदयेन तथा कायमगञ्ज-नगरपालिका-परिषदः त्रिवारं अध्यक्षापदं भूषितवत्या मिथिलेश-अग्रवाल-महोदयया क्रियते।

राधा-सर्वेश्वर-पीठस्य महन्तः सुदर्शनदास-महाराजः भागवत-कथां श्रावयति। अस्मिन् अवसरे मञ्चतः व्यापार-मण्डलस्य जनपदाध्यक्षः आदेश-अग्निहोत्री, सरस्वती-वर्मा, अर्चना-चौहान इत्यादयः अनेके जनाः सम्मानस्वरूपं पट्टिकया सम्मानिताः।

कथायाः विशेष-प्रसङ्गे बालगोपालस्य श्रीकृष्णस्य जन्मकथा वर्णिता। श्रीकृष्ण-जन्मोत्सवस्य हर्षोल्लासे श्रद्धालुषु पिष्टकानि, मिष्टान्नानि, रूप्यकाणि च विकीर्णानि, येन उत्सवस्य आनन्दः अभिवर्धितः।

कार्यक्रमे भारतीय-जनता-पक्षस्य जनपद-महामन्त्री अमरदीप-दीक्षितः, जनपद-मन्त्री नीरज-राठौरः, जनपद-संरक्षकः शम्भूशरण-अग्रवालः, ऋषिपाल-सिसोदिया इत्यादयः तथा नगरस्य अनेके गण्यमान्याः जनाः उपस्थिताः आसन्। अन्ते सर्वेभ्यः प्रसादः वितरितः। एषा भागवत-कथा १७ जूनमासपर्यन्तं प्रवर्तिष्यते।

Hindusthan Samachar / Divya Ranjan