प्रयागराजनगरम्, १५ जूनमासः (हि. स.)। भगवत: श्रीरामस्य तथा तस्य बालसखायाः निषादराज-गुहस्य मैत्र्याः, सामाजिक-समरसतायाः तथा समानतायाः अमरा गाथा नवीनं परिचयं प्रदातुं शृङ्गवेरपुरे पर्यटन-विभागेन व्यापक-विकास-कार्याणि क्रियन्ते। वर्षाणि यावत् उपेक्षितं तत् ऐतिहासिकं पौराणिकं च स्थलम् अधुना केन्द्रस्य मोदी-सर्वकारेण तथा प्रदेश-सरकारेण धार्मिक-सांस्कृतिक-पर्यटनस्य प्रमुखकेन्द्रत्वेन विकसितुं अभियानं आरब्धम् अस्ति। भगवत: श्रीरामस्य निषादराज-गुहस्य च मिलनस्य भव्य-प्रतिमा तथा निषादराज-उद्यानं पूर्वमेव स्थापितौ विकसितौ च स्तः, अधुना तु द्वितीय-चरणे व-संरक्षणस्य आधारभूत-सौविध्यानां च विस्तारस्य कार्याणि तीव्रगत्या प्रचलन्ति।

क्षेत्रीय-पर्यटन-अधिकारी अपराजिता-सिंहः अवदत् यत् शृङ्गवेरपुरं केवलं पर्यटन-स्थलं न, अपि तु रामायण-कालीन-इतिहासस्य भारतीय-संस्कृतेः च जीवित-धरोहरः अस्ति। अत्र भगवत: श्रीरामस्य निषादराज्ञ: च मिलनं प्रदर्शयन्ती भव्य-प्रतिमा पूर्वमेव स्थापिता अस्ति तथा निषादराज-उद्यानं आकर्षक-स्वरूपेण विकसितम् अस्ति, यत् श्रद्धालूनां पर्यटकानां च मध्ये विशेष-आकर्षणस्य केन्द्रं भवति।

सा अवदत् यत् मुख्यमन्त्रिणा योगी-आदित्यनाथेन आरब्धस्य द्वितीय-चरण-विकास-कार्यक्रमस्य अन्तर्गतं श्रीराम-निषादराज-गुह-संबद्धानां अन्य-पौराणिक-स्थलानां संरक्षणं सौन्दर्यीकरणं च क्रियते। तदतिरिक्तं संपर्क-मार्गाणां चौड़ीकरणं-सुदृढ़ीकरणं, प्राचीन-तालाबानां पुनरुद्धारः, परिसरस्य सौन्दर्यीकरणं, पर्यटक-सुविधानां विस्तारः तथा श्रद्धालूनां निवासाय विशाल-सभागारस्य अन्य-आवश्यक-संरचनानां च निर्माणं क्रियते।

अपराजिता-सिंहः उक्तवती यत् परियोजनायां आधुनिक-लाइट-एण्ड-साउण्ड-शो-व्यवस्था अपि विकसिता क्रियते, यस्य माध्यमेन भगवत: श्रीरामस्य, मातु: सीतायाः तथा लक्ष्मणस्य वनगमनम् एवं निषादराज-गुह-द्वारा गङ्गापार-करणस्य ऐतिहासिक-प्रसङ्गः सजीव-रूपेण प्रस्तूयते। एतेन देश-विदेशात् आगच्छन्तः पर्यटकाः भारतीय-संस्कृतेः रामायण-कालीन-इतिहासस्य च अनुभवं प्राप्स्यन्ति।

सा अवदत् यत् शृङ्गवेरपुरे अधुना यावत् प्रायः १३५ कोटि-रूप्यकाणां विकास-परियोजनाः पूर्णाः जाताः, तथा च प्रायः ३० कोटि-रूप्यकाणां अतिरिक्त-कार्याणि प्रस्तावितानि प्रगतौ च सन्ति। एतानि कार्याणि पूर्णत्वं गच्छन्ति चेत् शृङ्गवेरपुरं धार्मिक-सांस्कृतिक-परम्परि-पर्यटनस्य राष्ट्रिय-मानचित्रे प्रमुखं स्थानं प्राप्स्यति।

क्षेत्रीय-पर्यटन-अधिकारी उक्तवती यत् भगवत: श्रीरामस्य निषादराज-गुहस्य च मैत्री भारतीय-समाजे सामाजिक-समरसतायाः, समानतायाः, भ्रातृत्वस्य च सर्वोत्तमम् उदाहरणम् अस्ति। पर्यटन-विभागस्य उद्देश्यम् अस्य गौरवशालिन्याः परम्परायाः संरक्षणं कृत्वा नवपीढ्यां प्रति तां प्रेषयितुं तथा शृङ्गवेरपुरं तादृशं सांस्कृतिक-केन्द्रं कर्तुं यत्र इतिहासः, आस्था, आधुनिक-पर्यटन-सुविधाश्च सम्यक् संगमं प्राप्नुवन्ति।

Hindusthan Samachar / Divya Ranjan