कोलकाता, 15 जूनमासः (हि.स.)। पश्चिमबङ्गप्रदेशस्य मुख्यमन्त्री शुभेन्दु अधिकारी सोमवासरे मुख्यमन्त्रीपदप्राप्तेः अनन्तरं प्रथमवारं कोलकातानगरनिगमस्य मुख्यालये आयोजिते कार्यक्रमे सहभागितां कृतवान्। अस्मिन् अवसरे मञ्चे कार्यक्रमस्थले च तृणमूलकाङ्ग्रेसदलेन सम्बद्धाः अनेकाः प्रमुखनेतारः, पार्षदाः तथा पूर्वजनप्रतिनिधयः उपस्थिताः दृष्टाः।

कार्यक्रमे पूर्वमुख्यमन्त्रिणः ममता बनर्जी इत्यस्याः भ्रातृजाया तथा त्रिसप्ततितमवार्डस्य पार्षदा काजरी बनर्जी अपि उपस्थिता आसीत्। तस्याः अतिरिक्तं कोलकातानगरनिगमस्य पूर्वमहापौरः तथा समीपे काले पदात् त्यागपत्रं दत्तवान् फिरहाद हाकिम अपि कार्यक्रमे सम्मिलितः।

अस्मिन् अवसरे पार्षदा अनन्या बनर्जी, जुई विश्वास, पूर्वविधायकः देबाशीष कुमार इत्यादयः अन्ये अनेकाः जनप्रतिनिधयः अपि उपस्थिताः आसन्। कार्यक्रमे राज्यमन्त्रिणः शशि पांजा इत्यस्याः पुत्री तथा मन्त्रिणः चन्द्रिमा भट्टाचार्य इत्यस्याः पुत्रस्य उपस्थितिः अपि चर्चायाः विषयः अभवत्।

कोलकातानगरनिगमे आयोजिते अस्मिन् कार्यक्रमे मुख्यमन्त्री शुभेन्दु अधिकारी स्वच्छतया स्वागतं नाम अभियानस्य शुभारम्भं कृतवान्। मञ्चे तेन सह दक्षिणकोलकाताक्षेत्रस्य सांसदः माला राय, संदीपन साहा तथा जावेद खान अपि उपस्थिताः आसन्।

राजनैतिकदृष्ट्या अयं कार्यक्रमः महत्त्वपूर्णः मन्यते, यतः मुख्यमन्त्रीपदग्रहणस्य अनन्तरं शुभेन्दु अधिकारी इत्यस्य नगरनिगमे एषा प्रथमा आधिकारिकोपस्थितिः आसीत्। कार्यक्रमे विभिन्नदलैः तथा विविधराजनैतिकपृष्ठभूमिभिः सम्बद्धानां जनप्रतिनिधीनाम् उपस्थितिः अपि जनानाम् ध्यानम् आकर्षितवती।

कार्यक्रमस्य समये स्वच्छता, नागरिकसेवाः तथा नागरविकासेन सम्बद्धानां विभिन्नविषयाणां विषये चर्चा कृता तथा नगरनिगमक्षेत्रे चालयितव्येषु स्वच्छताभियानेषु अपि सन्देशः प्रदत्तः।-----------------

Hindusthan Samachar / Dheeraj Maithani