Enter your Email Address to subscribe to our newsletters
बाराबंकी, 15 जूनमासः (हि.स.)।
देशे २१ जून दिनाङ्के आयोजितस्य १२तमस्य अन्ताराष्ट्रिय योग दिवसस्य उपलक्ष्ये बाराबंकी जनपदे १५ जूनतः २१ जून पर्यन्तं आयोजितस्य योगसप्ताहस्य सोमवासरे राजकीय इंटर कॉलेज जीआईसी ऑडिटोरियम इति स्थले भव्यः शुभारम्भः अभवत्। कार्यक्रमस्य उद्घाटनं राज्यमन्त्री सतीश चंद्र शर्मा, विधान परिषद सदस्य अवनीश कुमार सिंह तथा अंगद सिंह इत्येते दीपप्रज्वलनं कृत्वा भगवान् धन्वन्तरि प्रतिमायां माल्यार्पणं कृत्वा च अकुर्वन्।
अस्मिन् अवसरे जनपदस्य योग आइकॉन नंदिता वर्मा योगक्षेत्रे तस्याः उत्कृष्टयोगदानाय सम्मानिता अभवत्। तस्याः समर्पणेन उपलब्धिभिः च प्रभावितः एमएलसी अवनीश कुमार सिंह तस्याः उच्चशिक्षायाः सम्पूर्णव्ययस्य वहनस्य आश्वासनम् अपि दत्तवान्।
कार्यक्रमं सम्बोधयन् राज्यमन्त्री सतीश चंद्र शर्मा उक्तवान् यत् योगः भारतस्य प्राचीनः अमूल्यः च धरोहरः अस्ति, यः अद्य सम्पूर्णं विश्वं स्वस्थसन्तुलितजीवनस्य मार्गं दर्शयति। तेन अधिकाधिकजनान् योगं स्वदैनिकदिनचर्यायाः अङ्गत्वेन स्वीकर्तुं प्रार्थितम्।
योगप्रशिक्षकाणां निर्देशनम् अनुसृत्य उपस्थितैः छात्रच्छात्राभिः, अधिकारिभिः तथा अन्यैः प्रतिभागिभिः विविधयोगासनानां प्राणायामस्य च सामूहिकाभ्यासः कृतः। तदनन्तरं योगस्य प्रति जनजागरूकतां वर्धयितुं जागरूकतायात्रा निष्कासिता, यस्याः प्रस्थानं मुख्यातिथिभिः गुब्बारान् विमोच्य हरितध्वजं प्रदर्श्य च कारितम्। यात्रायाः माध्यमेन नागरिकेभ्यः नियमितयोगाभ्यासस्य तथा २१ जून दिनाङ्के अन्ताराष्ट्रिय योग दिवस कार्यक्रमे सहभागितायाः सन्देशः प्रदत्तः।
कार्यक्रमस्य सञ्चालनं योगप्रशिक्षकेण डॉ शशी कुमार अवस्थिना कृतम्, अन्ते च क्षेत्रीय आयुर्वेदिक एवं यूनानी अधिकारी डॉ वीनम यादव सर्वेषाम् अतिथीनाम्, अधिकारीणाम्, योगप्रशिक्षकाणाम् तथा प्रतिभागिनाम् प्रति आभारं व्यक्तवती। आयोजने जिला होम्योपैथिक अधिकारी डॉ ममता सचान इत्यस्याः अपि महत्त्वपूर्णं योगदानम् आसीत्।
जिला प्रशासनस्य आयुष विभागस्य च संयुक्ततत्त्वावधाने आयोजिते अस्मिन् कार्यक्रमे परियोजना निदेशक राकेश कुमार सिंह, आयुष विभागस्य चिकित्सकाः, अधिकारिणः, कर्मचारिणः, योगप्रशिक्षकाः तथा बहुसंख्यकाः छात्रच्छात्राः सामान्यजनाः च उपस्थिताः आसन्।
---------------
Hindusthan Samachar / Dheeraj Maithani