Enter your Email Address to subscribe to our newsletters
देहरादूनम्, 16 जूनमासः (हि.स.)।
मुख्यमन्त्रिणः पुष्करसिंहधामी महोदयस्य नेतृत्वे चारधामयात्रां सुरक्षितां सुगमां सुव्यवस्थितां च कर्तुं उत्तराखण्डपर्यटनविकासपरिषदः गढीकैण्टस्थितःनिर्देशणनियंत्रणकक्षात् महत्त्वपूर्णां भूमिकां निर्वहति।
अत्याधुनिकप्रौद्योगिकीयुक्तः अयं नियन्त्रणकक्षः चतुर्विंशतिघण्टाः पञ्चसु धामसु स्थापितकैमरेभ्यः यात्रिकाणां निरीक्षणं करोति तथा तेषां समस्यायाः त्वरितसमाधानं यात्रासञ्चालनस्य सततपर्यवेक्षणं च करोति। चारधामयात्रायै अद्यावधि पञ्चाशल्लक्षाधिकाः श्रद्धालवः पञ्जीकरणं कृतवन्तः यदा च षट्त्रिंशल्लक्षाधिकाः यात्रिकाः पञ्चधामानां दर्शनं कृतवन्तः। नियन्त्रणकक्षे पञ्चत्रिंशदधिकाः कर्मचारीणः चतुर्षु पालिषु कार्यं कुर्वन्तः यात्रासम्बद्धाः सर्वाः गतिविधयः निरीक्षन्ते। उत्तराखण्डराज्यआपदाप्रबन्धनप्राधिकरणस्तरे अपि नियन्त्रणकक्षस्य चत्वारः सदस्याः यात्रायाः निरन्तरं पर्यवेक्षणं कुर्वन्ति।
यात्रिकाणां सुविधार्थं स्थापितेन नियन्त्रणकक्षेण अद्यावधि पञ्चचत्वारिंशत्सहस्राधिकानां शिकायतानां पृच्छानां च सफलनिवारणं कृतम्। एतेषु हेलीकॉप्टरसेवासम्बद्धाः चतुःसहस्रचतुःषष्टिनवाधिकाः यात्रापञ्जीकरणसम्बद्धाः एकत्रिंशत्सहस्रनवशतद्विचत्वारिंशत् वाहनपञ्जीकरणसम्बद्धाः एकसहस्रत्रिशतसप्ततिः बीकेटीसी पूजाव्यवस्थासम्बद्धाः द्विशतसप्ततिः जीएमवीएन पर्यटनसम्बद्धाः द्विशतैकषष्टिः तथा अन्याः सप्तशतपञ्चाशीत्यधिकाः समस्याः त्वरितरूपेण समाधाताः सन्ति। केन्द्रे मौसमविभागेन प्रदत्ता यथार्थसूचना यात्रायाः पञ्जीकरणं कृतवतां श्रद्धालूनां व्हाट्सएप माध्यमेन अपि प्रेष्यते।
अस्यां यात्रायां आधाराधारितपञ्जीकरणव्यवस्था प्रवर्तितत्वात् मिथ्यापञ्जीकरणेषु प्रभावी नियन्त्रणं जातम् येन यात्राप्रबन्धनं अधिकं पारदर्शि सुचारुं च अभवत्।
उपनिदेशकः पर्यटनविभागस्य तथा चारधामयात्रानियन्त्रणस्य नोडलाधिकारी अमितलोहनी महोदयः अवदत् यत् आगामिनः वर्षाकालस्य दृष्ट्या चारधामयात्रां सरलां सुगमां सुखदां च कर्तुं उत्तराखण्डपर्यटनविकासपरिषदः कार्यालये चतुर्विंशतिघण्टात्मकः आह्वानकेन्द्रकक्षः स्थापितः अस्ति।
तेन उक्तं यत् अस्य केन्द्रस्य प्रमुखः उद्देश्यः चारधामयात्रायाम् आगच्छद्भ्यः श्रद्धालुभ्यः पञ्जीकरणव्यवस्थायाः सह यात्रामार्गस्थितानां अन्यव्यवस्थानां विषये अपि सूचना प्रदातुम् अस्ति। अद्यपर्यन्तं पञ्चचत्वारिंशत्सहस्राधिकाः दूरभाषआह्वानाः प्राप्ताः सन्ति तथा तेषां सफलनिवारणं कृतम्।
तेन उक्तं यत् अस्मिन् आह्वानकेन्द्रे आगच्छन्त्यः सर्वाः शिकायताः सम्बन्धितविभागैः सह अपि सह क्रियन्ते। वातावरणविभागेन प्रदत्तस्य पूर्वानुमानस्य अनुसारं चारधामयात्रायाः पञ्जीकरणं कृतवतां यात्रिकाणां कृते व्हाट्सएप माध्यमेन वातावरणसम्बद्धाः अद्यतनसूचनाः अपि प्रेष्यन्ते। अयं आह्वानकेन्द्रः सर्वेषां विभागानां कृते सहायकः सिद्धः भवति।
मुख्यमन्त्रिणः सततप्रयत्नानां परिणामस्वरूपं उत्तराखण्डपर्यटनविकासपरिषदि स्थापिते कमाण्ड कन्ट्रोल कक्षे यात्रिकेभ्यः सर्वथा सहायता प्रदीयते येन चारधामयात्रां सरलां सुगमां सुव्यवस्थितां च कर्तुं महत्त्वपूर्णा भूमिका निर्वह्यते।
Hindusthan Samachar / Dheeraj Maithani