भोपालम्, 16 जूनमासः (हि.स.)।मध्यप्रदेशस्य गौरवः विश्वप्रसिद्धः च वन्यजीवपर्यटनस्थलः बान्धवगढ व्याघ्रसंरक्षणक्षेत्रम् इंडिया टुडे पर्यटनसर्वेक्षणपुरस्काराः द्विसहस्रषड्विंशतिः इत्यस्मिन् एडिटर च्वाइस पुरस्कारः श्रेष्ठवन्यजीवगन्तव्यश्रेणी इति वर्गे पुरस्कृतम् अभवत्।

केन्द्रीयपर्यटनसंस्कृतिमन्त्री गजेन्द्रसिंहशेखावतः तथा गोवाराज्यस्य मुख्यमन्त्री डा प्रमोदसावन्तः मङ्गलवासरे गोवानगरे आयोजिते समारोहे एतत् पुरस्कारं बान्धवगढ व्याघ्रसंरक्षणक्षेत्रस्य पक्षतः बान्धवगढ व्याघ्रसंरक्षणक्षेत्रस्य क्षेत्रनिदेशकः डा अनुपमसहायः तथा अपरमुख्यवनसंरक्षकः वन्यजीवः एल कृष्णमूर्ति च प्राप्तवन्तौ।

अस्मिन् अवसरे उक्तं यत् एषः पुरस्कारः बान्धवगढ व्याघ्रसंरक्षणक्षेत्राय वन्यजीवसंरक्षणे उत्कृष्टपर्यटनप्रबन्धने पर्यटकानां कृते उच्चस्तरीयानुभवप्रदाने तथा जैवविविधतासंरक्षणक्षेत्रे क्रियमाणानां उल्लेखनीयकार्याणां कृते प्रदत्तः अस्ति।

उल्लेखनीयम् अस्ति यत् बान्धवगढ व्याघ्रसंरक्षणक्षेत्रम् देशविदेशीयपर्यटकानां मध्ये स्वस्य समृद्धजैवविविधतया व्याघ्राणां पर्याप्तसंख्यया प्राकृतिकसौन्दर्येण प्रभावीसंरक्षणप्रबन्धनेन च विशेषां ख्यातिं धारयति।

अयं पुरस्कारः बान्धवगढे कार्यरतसमस्ताधिकारिणां कर्मचारिणां स्थानीयसमुदायानां संरक्षणसहयोगिनां च सामूहिकप्रयत्नानां परिणामः अस्ति। एषः पुरस्कारः केवलं बान्धवगढ व्याघ्रसंरक्षणक्षेत्रस्य न अपितु सम्पूर्णस्य मध्यप्रदेशस्य कृते अपि गौरवस्य क्षणः अस्ति तथा च राज्यस्य परिचयं देशस्य अग्रणीवन्यजीवपर्यटनगन्तव्येषु अधिकं सुदृढं करोति।

---------------

Hindusthan Samachar / Dheeraj Maithani