वाराणसी, 16 जूनमासः (हि. स.)

उत्तरप्रदेशस्य वाराणसीनगरे जगन्नाथमन्दिरन्यासस्य सचिवः शैलेषत्रिपाठी मङ्गलवासरे पत्रकारान् अवदत् यत् जगन्नाथमन्दिरपरिसरमार्गस्य निर्माणकार्यं दिसम्बरमासस्य वर्षे २०२९ पर्यन्तं सम्पन्नं भविष्यति। परिसरमार्गनिर्माणे आगच्छन्त्यः बाधाः दूरं क्रियमाणाः सन्ति।

नवनिर्मितस्य मन्दिरपरिसरमार्गस्य कृते निर्मितस्य त्रिंशत्कोटिरूप्यकाणां अनुमानितव्ययस्य पूर्त्यर्थं जनसामान्यात् आर्थिकसहायतारूपेण चन्दासङ्ग्रहः क्रियिष्यते। सङ्गृहीतेन चन्देन एव जगन्नाथमन्दिरपरिसरमार्गः निर्मितः सम्पूर्णः भविष्यति।

सचिवः शैलेषः अवदत् यत् जगन्नाथमन्दिरपरिसरमार्गस्य निर्माणे सम्पूर्णतया धौलपुरप्रदेशस्य रक्तवर्णीय, गुलाबी तथा श्वेतवर्णीयशिलानां प्रयोगः भविष्यति। लक्षाधिकघनपादपरिमितानां शिलानां आदेशः अपि प्रदत्तः अस्ति।

मन्दिरस्य भित्तिषु सुन्दरनक्काशी, भूमितले रम्याः आकृतयः, विशालद्वाराणि च इति कल्पनया सह परिसरमार्गस्य निर्माणं भविष्यति।

पूर्वं उत्पन्नस्य विवादस्य विषये तेन उक्तं यत् केचन जनाः बहुकालात् मन्दिरपरिसरे अनधिकृतरूपेण निवसन्ति। तेषां निष्कासनं न्यायिकव्यवस्थया क्रियिष्यते। अल्पकाले एव कश्चित् विवादः न भविष्यति। परिसरमार्गनिर्माणे अधुना कापि बाधा न भविष्यति।

---------------

Hindusthan Samachar / Dheeraj Maithani