—जिला स्तरीय समितीनाम् उपवेशने वाराणसीं स्वच्छां, हरितां एवं प्रदूषण मुक्तां निर्मातुं निर्देशः

वाराणसी, 16 जूनमासः (हि.स.)। उत्तरप्रदेशस्य वाराणस्यां वृक्षारोपणाभियानस्य समये रोपितः यः पौधः शुष्कः जातः तस्य स्थाने अधुना नवीनः पादपो रोपितः भविष्यति। पौधानाम् उत्तरजीवितायाः वृद्ध्यर्थं जिलाधिकारी सत्येन्द्रकुमारः एतत् निर्देशं दत्तवान्।

मङ्गलवासरे जिलास्तरीयसमितीनां बैठके जिलाधिकारी जनपदे पर्यावरणसंरक्षणस्य गङ्गासंरक्षणस्य च वृक्षारोपणकार्यक्रमाणां प्रगतेः समीक्षाम् अकरोत्। कलक्ट्रेटसभागारे आयोजितायां जिला पर्यावरणसमितेः जिला गङ्गासमितेः तथा जिला वृक्षारोपणसमितेः बैठके वित्तीयवर्षस्य द्विसहस्रषड्विंशतिः सप्तविंशतिः च वृक्षारोपणलक्ष्याणां रोपणस्थलानां सिद्धतायाः पूर्ववर्षेषु रोपितानां पौधानां सत्यापनसंरक्षणकार्याणां च समीक्षा कृता।

उपवेशने नगरनिगमस्य चतुस्तरीय अपशिष्टविभाजनव्यवस्थायाः अन्तर्गतं त्रिंशत्सहस्राणि कूड़ादानपात्राणि वितरितानि, प्राचीनअपशिष्टस्य निस्तारणम्, विद्युत् अपशिष्टप्रबन्धनम् तथा निषिद्धैकप्रयोगप्लास्टिकस्य विरुद्धं सञ्चालितस्य अभियानस्य प्रगतेः विस्तृततया समीक्षा कृता।

जिलाधिकारी वायुप्रदूषणनियन्त्रणार्थं एकादश जलप्रक्षेपकयन्त्राणां तथा एकस्य सूक्ष्मजलप्रक्षेपकयन्त्रस्य संचालनं धूलिनियन्त्रणार्थं यान्त्रिकमार्जनव्यवस्थायाः अधिकं सुदृढीकरणं च प्रति बलं दत्तवान्।

जिला गङ्गासमितेः उपवेशने अस्सीघाटे प्रस्तावितस्य यान्त्रिकवाहनस्थापनकेन्द्रस्य बहुविधपरिवहनसामग्रीउद्यानसम्बद्धानां प्रस्तावानां तथा वरुणानद्यां प्रवर्तमानस्य गादानिष्कासनकार्यस्य समीक्षायाः समये गङ्गायाः तस्याः सहायकनदीनां च संरक्षणपुनर्जीवनार्थं आवश्यकाः निर्देशाः प्रदत्ताः।

उपवेशने मुख्यविकासाधिकारी प्रखरकुमारसिंहः प्रभागीयवनाधिकारी स्वातिसिंह सहिताः अन्ये विभागीयाधिकारिणः अपि उपस्थिताः आसन्।

Hindusthan Samachar / Dheeraj Maithani