Enter your Email Address to subscribe to our newsletters
सारणम्, 17 जूनमासः (हि.स.)। जनपदे निरन्तरं वर्धमानं तापमानं मध्याह्नसमये च प्रचण्डोष्णतां दृष्ट्वा जनपदप्रशासनेन बालकानां स्वास्थ्यसंरक्षणार्थं दृढं पदक्षेपं स्वीकृतम्।
जनपदाधिकारी वैभव श्रीवास्तव स्वाधिकारस्य प्रयोगं कृत्वा भारतीयनागरिकसुरक्षासंहिता २०२३ इत्यस्य धारा १६३ अन्तर्गतं जनपदस्य सर्वेषु शासकीयेषु निजीविद्यालयेषु प्रीस्कूलेषु आङ्गनबाडीकेन्द्रेषु कोचिंगसंस्थासु च कक्षा ८ पर्यन्तानां शैक्षणिकक्रियाकलापानां उपरि २० जून पर्यन्तं पूर्णप्रतिबन्धं घोषितवान्।
प्रशासनेन निर्गतादेशानुसारं कक्षा ८ उपरितनाः कक्षाः केवलं मध्याह्नपूर्वं ११ वादनपर्यन्तमेव सञ्चालितुं शक्यन्ते।
जनपदाधिकारेण स्पष्टतया उक्तं यत् वर्धमानतापमानस्य कारणात् बालकानां स्वास्थ्ये प्रतिकूलप्रभावस्य सम्भावना वर्तते इति दृष्ट्वा एषः निर्णयः गृहीतः। अयं आदेशः तत्क्षणप्रभावेन प्रवर्तितः अस्ति।