अभिनेता शाहिद कपूरः, रश्मिका मन्दाना , कृति सैनन च अभिनीतस्य चलचित्रस्य कॉकटेल २ इत्यस्य नूतनं गीतं बन्धु २.० प्रकाशनमात्रेण चर्चायाः विषयः अभवत्। एतत् गीतं कॉकटेल इत्यस्य लोकप्रियगीतस्य बन्धु इत्यस्य पुनर्निर्मितं संस्करणम् अस्ति। यद्यपि एतत् गीतं यूट्यूबमाध्यमे शीघ्रतया बहुभिः दृष्टं भवति, तथापि सामाजिकमाध्यमेषु अस्य पुनर्निर्मितस्वरूपं प्रति विवादः अपि आरब्धः अस्ति। अनेकदर्शकाणां मतम् अस्ति यत् बॉलिवुडक्षेत्रे प्राचीनलोकप्रियगीतानां पुनः पुनः नूतनरूपेण प्रस्तुतीकरणस्य प्रवृत्तिः मौलिकसंगीतस्य अभावं दर्शयति।

अस्मिन् गीते शाहिद कपूर, कृति सैनन तथा रश्मिका मन्दाना इत्येतयोः ऊर्जायुक्तं नृत्यं आकर्षकः च अभिनयशैली दृश्यते, किन्तु केचन प्रशंसकाः वदन्ति यत् एतत् नूतनसंस्करणं मूलगीतस्य भावनात्मकगाम्भीर्यं नवीनतां च पुनः सृजितुं सफलं नाभवत्। विशेषतया गीतस्य आरम्भे शाहिद कपूर इत्यस्य संवादः “रीमेक गीतं मा कुरु, जनता ट्रोल करिष्यति” इति सामाजिकमाध्यमेषु चर्चायाः विषयः जातः। अनेकाः जनाः एनं निर्मातृपक्षतः सम्भावितालोचनायाः पूर्वस्वीकारप्रयासरूपेण पश्यन्ति।

बन्धु २.० इत्यस्मै गीताय कविता सेठ तथा नीरज श्रीधर इत्येताभ्यां स्वरदानं कृतम्। गीतस्य पद्यानि इरशाद कामिल इत्यनेन लिखितानि सन्ति तथा संगीतं प्रीतम इत्यनेन प्रदत्तम्। यद्यपि जनानां कश्चन वर्गः गीतस्य प्रस्तुतीकरणस्य कलाकाराणां ऊर्जायाश्च प्रशंसां करोति, तथापि अपरः वर्गः एतत् अनावश्यकं पुनर्निर्मितगीतं मन्यमानः नूतनस्य मौलिकस्य च संगीतस्य अपेक्षां करोति। एवं बन्धु २.० प्रकाशनमात्रेण प्रशंसां तथा आलोचनां च समरूपेण प्राप्तुम् आरब्धवान् अस्ति।

Hindusthan Samachar / Dheeraj Maithani