गुवाहाटी, १७ जून (हि.स.)। असम-प्रदेश-भाजपा-अध्यक्षः दिलीप-सैकिया उक्तवान् यत् दरङ्ग-जनपदस्य ऐतिहासिक-आध्यात्मिक-महत्त्वयुक्तानि स्थानानि अतिक्रमणमुक्तानि कर्तुं शीघ्रमेव अतिक्रमण-उच्छेदन-अभियानं प्रारभ्यते। तेन उक्तं यत् राज्यसर्वकारः एतेषां स्थानानां गौरवं सांस्कृतिक-धरोहरं च संरक्षितुं दृढसंकल्पित: अस्ति। सः एकस्मिन् कार्यक्रमे सहभागित्वात् पूर्वं पत्रकारैः सह संवादं कुर्वन् एतद् अवदत्।

अद्यतन-बस-भाटकवृद्धेः विषये प्रतिक्रियां व्यक्तयन् सैकिया उक्तवान् यत् एषा वृद्धिः अन्ताराष्ट्रिय-परिस्थितिभिः तथा इन्धन-मूल्यवृद्ध्या सम्बद्धा अस्ति। तेन आशा व्यक्ता यत् शीघ्रमेव परिस्थितिः सामान्या भविष्यति।

तेन उक्तं यत् हॉर्मुज-जलडमरूमध्यस्य उद्घाटने तथा वैश्विक-परिस्थितिषु संशोधने सति इन्धन-मूल्येषु नियन्त्रणं भविष्यति, येन परिवहन-क्षेत्रे विद्यमानं बलं अपि न्यूनं भविष्यति।

Hindusthan Samachar / Divya Ranjan