राजौरी, 17 जूनमासः (हि.स.)।राजौरीजनपदस्य मंजाकोटक्षेत्रे गम्भीरमुगलानप्रदेशस्य सघनेषु डोरीमलवनप्रदेशेषु सञ्चाल्यमानम् ऑपरेशन शेरूवाली नाम अभियानं बुधवासरे स्वस्य षड्विंशतितमे दिने प्रविष्टम्। एतत् अभियानं विगतवर्षेषु अस्मिन् क्षेत्रे सञ्चालितेषु दीर्घकालपर्यन्तं प्रवर्तमानानां आतङ्कवादविरोधी अभियानानां मध्ये अन्यतमं जातम् अस्ति। सुरक्षाबलैः दुर्गमेषु पर्वतीयेषु वनप्रदेशेषु च अन्वेषणपरिवेष्टनकार्याणि तीव्राणि कृतानि सन्ति।

एतदभियानं डोरीमलस्य विषमेषु सघनवनाच्छादितेषु पर्वतेषु सञ्चाल्यते, यत्र तीव्राः पर्वतढालाः पाषाणमयाः गिरयः सघना वनस्पतयश्च भूमौ स्थितानां सैनिकानां कृते महतीः चुनौतीः उत्पादयन्ति। एतादृशेषु कठिनपरिस्थितिष्वपि सुरक्षाकर्मिणः पूर्णतया सतर्काः सन्ति तथा च कस्यापि सन्दिग्धगतिविधेः अन्वेषणार्थं सम्पूर्णे वनप्रदेशे व्यापकं अन्वेषणाभियानं सञ्चालयन्ति। अभियानस्य अन्तर्गतं निगराण्याः क्षेत्रनियन्त्रणस्य च उपायाः अपि निरन्तरं प्रवर्तन्ते।

ऑपरेशन शेरूवाली इति विशालस्तरीयं बहुसंस्थासमन्वितम् आतङ्कवादविरोधी अभियानम् अस्ति, यत् मईमासस्य अन्तिमभागे प्रारब्धम् आसीत्। अस्य उद्देश्यः अस्ति शस्त्रसज्जानां तेषां घुस्पैठकारिणां अन्वेषणं विनाशनं च, ये डोरीमलगम्भीरमुगलानक्षेत्रस्य विषमेषु पर्वतीयप्रदेशेषु निगूढाः सन्ति इति आशङ्का वर्तते। एतादृशं दीर्घकालपर्यन्तं प्रवर्तमानम् अभियानं राजौरीसीमावर्तीजनपदे शान्तिसुरक्षयोः संरक्षणार्थं सुरक्षाबलानां दृढसंकल्पं प्रदर्शयति।

---------------

Hindusthan Samachar / Dheeraj Maithani