राँचीनगरम्, १७ जूनमास: (हि.स.)। राजधान्या: राँची-नगरस्य निवारणपुर-स्थले राष्ट्रीयस्वयंसेवकसंघस्य प्रान्त-कार्यालये पेट्रोल-विस।फोटक-आक्रमणस्य घटनायां ऑल-झारखंड-स्टूडेंट-यूनियन-पक्षेण तीव्रा प्रतिक्रिया प्रदत्ता। पक्षस्य केन्द्रीयाध्यक्षः सुदेश-महोदयः एतत् अत्यन्तं निन्दनीयम्, चिन्ताजनकम्, लोकतान्त्रिक-मूल्येषु च प्रत्यक्षः प्रहारः इति उक्तवान्।

सः बुधवासरे प्रकाशिते वक्तव्ये अवदत् यत् एषा घटना झारखण्डे वर्धमानायाः न्याय-व्यवस्थायाः तथा अपराधिनां वर्धित-मनोबलस्य गम्भीरं चित्रं प्रस्तौति। तस्य मतानुसारं यदा वैचारिक-सामाजिक-संस्थाः अपि असुरक्षिताः सन्ति, तदा सामान्य-नागरिकाणां सुरक्षायाः विषये गम्भीराः प्रश्नाः उद्भवन्ति।

सुदेश-महोदयः आरोपितवान् यत् राज्ये अपराधिनां, दस्यूनां, अराजक-तत्त्वानां च मनोबलं वर्धितम् अस्ति, किन्तु शासनं जनसुरक्षायां गम्भीरं न दृश्यते। सः अवदत् यत् शासनस्य प्राथमिकता सुरक्षा न, अपि तु स्वदुर्बलतानां आच्छादनम् अभवत्।

सः सरकारात् अयं आग्रहं कृतवान् यत् अस्य प्रकरणस्य शीघ्रा, निष्पक्ष-उच्चस्तरीया च निरीक्षणं कृत्वा सम्पूर्णस्य षड्यन्त्रस्य उद्घाटनं करणीयम्, दोषिणां विरुद्धं च कठोर-कार्यवाही सुनिश्चितीकरणीया, येन भविष्ये एतादृश्य: घटनाः पुनः न भवन्ति।

एतस्मिन्नेव विषये ऑल झारखंड स्टूडेंट यूनियन-पक्षस्य केन्द्रीय-उपाध्यक्षः प्रवीण-प्रभाकरः अपि आक्रमणस्य निन्दां कृतवान्। सः अवदत् यत् राज्ये कानून-व्यवस्थायाः स्थिति चिन्ताजनीया अस्ति, तथा लुंठक-अराजक-तत्त्वानां प्रभावः वर्धमानः अस्ति।

सः आरोपितवान् यत् प्रशासनं बालु-कोयला-सम्बद्धेषु विषयेषु व्यस्तम् अस्ति, किन्तु सामान्यजनानां सुरक्षायां ध्यानं न दत्तम् इति। सः अपि उच्चस्तरीय-निरीक्षणस्य तथा षड्यन्त्र-उद्घाटनस्य आग्रहं कृतवान्।

Hindusthan Samachar / Divya Ranjan