Enter your Email Address to subscribe to our newsletters
पूर्वी सिंहभूमः, 17 जूनमासः (हि.स.)।जमशेदपुरनगरे बुधवासरे राष्ट्रीयस्तरीया छात्रसङ्गोष्ठी बिहाइण्डदटीचर्सडेस्क बीटीटीडी २०२६ इत्यस्य औपचारिकः शुभारम्भः अभवत्। एषः त्रिदिवसीयः कार्यक्रमः जूनमासस्य सप्तदशदिनात् नवदशदिनपर्यन्तं सीएसआईआर राष्ट्रियधातुकर्मप्रयोगशाला एनएमएल परिसरस्य अन्तर्गतं आयोज्यते। अस्य आयोजनस्य संयुक्तरूपेण सञ्चालनं भारतीयधातुसंस्था आईआईएम जमशेदपुरचैप्टर टाटास्टीललिमिटेड सीएसआईआर एनएमएल तथा एनआईटी जमशेदपुर इत्येतैः क्रियते।
उद्घाटनसमारोहे सीएसआईआर एनएमएल संस्थायाः निदेशकः डॉ सन्दीपघोषचौधरी दीपप्रज्वलनेन कार्यक्रमस्य शुभारम्भम् अकरोत्। अस्मिन् अवसरे सङ्गोष्ठ्याः स्मारिकायाः अपि विमोचनं कृतम्। समारोहे आईआईएम जमशेदपुरचैप्टरस्य अध्यक्षः डॉ अतनुरञ्जनपालः बीटीटीडी २०२६ सङ्गोष्ठ्याः अध्यक्षः डॉ चिरदीपघोषः आयोजनसंयोजकः डॉ ललितकुमारमीणा सहिताः अनेके वैज्ञानिकाः अध्यापकाः छात्राः छात्र्यश्च उपस्थिताः आसन्।
स्वसम्बोधने डॉ सन्दीपघोषचौधरी उक्तवान् यत् विकसितभारत २०४७ इति लक्ष्यस्य प्राप्तौ धातुकर्मसामग्रीविज्ञानखननक्षेत्राणां भूमिका अत्यन्तं महत्त्वपूर्णा भविष्यति। तेन विद्यार्थिनः नूतनप्रौद्योगिकीशिक्षणे निरन्तरं प्रवृत्तान् भवितुं अनुसन्धानकार्येषु च सक्रियसहभागितां कर्तुं प्रेरिताः।
आईआईएम जमशेदपुरचैप्टरस्य अध्यक्षः डॉ अतनुरञ्जनपालः उक्तवान् यत् भविष्यकालीनानाम् औद्योगिकचुनौत्याः समाधानं स्थायिनीनां मितव्ययिनीनां उच्चगुणवत्तायुक्तानां च सामग्रीनां विकासे निहितम् अस्ति। तेन छात्राः नवाचारस्य सह मानसिकशारीरिकसन्तुलनस्य संरक्षणे अपि बलं दातुं प्रेरिताः।
सङ्गोष्ठ्याः अध्यक्षः डॉ चिरदीपघोषः अवदत् यत् अस्मिन् वर्षे प्रायः चत्वारिंशत् शैक्षणिकप्रौद्योगिकसंस्थानां प्रतिभागिनः अस्याम् उपविशन्ति। समग्रतया चतुरधिकशतं शोधपत्राणि तांत्रिकसत्रेषु प्रस्तूयन्ते। कार्यक्रमे धातुकर्मप्रश्नमञ्चः मेटारियलप्रश्नमञ्चः वादविवादस्पर्धा औद्योगिकभ्रमणं च समाविष्टानि सन्ति।
देशस्य प्रमुखसंस्थासु आईआईटी बीएचयू वाराणसी आईआईटी हैदराबाद आईआईटी आईएसएम धनबाद आईआईटी खड्गपुर एनआईटी जमशेदपुर एनआईटी राउरकेला एनआईटी तिरुचिरापल्ली एनआईटी वारंगल बीआईटी मेसरा जादवपुरविश्वविद्यालयः च सहिताः अनेके प्रतिष्ठितसंस्थाः अस्यां सङ्गोष्ठ्यां भागं गृह्णन्ति।
कार्यक्रमस्य समये डॉ ललितकुमारमीणा सर्वेषां अतिथीनां प्रतिभागिनां आयोजनसमितीनां च प्रति कृतज्ञतां व्यक्तवान्। आगामिदिनेषु डॉ सुजयहाजरा फादर डॉ जोसेफमैथ्यू सब्यसाचीरायः डॉ विवेकश्रीवास्तवः च इत्यादयः विशेषज्ञाः स्वकीयानि मुख्यव्याख्यानानि दास्यन्ति। तेषु उद्योगअनुसन्धानशिक्षाक्षेत्रैः सम्बद्धानां महत्त्वपूर्णविषयाणां चर्चा भविष्यति।
एषा सङ्गोष्ठी युवा अनुसन्धानकर्तृभ्यः अभियान्त्रिकीविद्यार्थिभ्यश्च ज्ञानविनिमयस्य नवाचारस्य तान्त्रिकसहयोगस्य च महत्त्वपूर्णमञ्चरूपेण सिद्धा भविष्यति इति अपेक्षा वर्तते।
---------
Hindusthan Samachar / Dheeraj Maithani