मंडी, 18 जूनमासः (हि.स.)।मण्डीजनपदस्य क्षेत्रीयचिकित्सालयस्य रक्तघटकपृथक्करणकेन्द्रं रक्ताधानसेवासु उत्कृष्टकार्यस्य कृते राष्ट्रियस्तरे सम्मानितम् अभवत्। विश्वरक्तदातृदिवसस्य अवसरे गुजरातराज्यस्य अहमदाबादनगरे आयोजिते राष्ट्रियस्तरीये रक्ताधानसेवासम्बद्धे अशासकीयसंस्थासम्मेलने देशस्य विभिन्नराज्येभ्यः सर्वाधिकाङ्कप्राप्तानां रक्तकेन्द्राणां चयनं कृतम्। तस्मिन् हिमाचलप्रदेशस्य मण्डीजनपदेन स्वीयाभिः उत्कृष्टसेवाभिः तथा स्वैच्छिकरक्तदानस्य प्रोत्साहनक्षेत्रे उल्लेखनीयाम् उपलब्धिं प्राप्त्वा एषः सम्मानः प्राप्तः।

अस्मिन् कार्यक्रमे क्षेत्रीयचिकित्सालयस्य मण्डी रक्ताधानसेवासु उत्कृष्टप्रदर्शनस्य कृते प्रशस्तिपत्रं स्मृतिचिह्नं च प्रदत्तम्। एषः सम्मानः भारतशासनस्य स्वास्थ्यपरिवारकल्याणमन्त्रालयस्य अधीनस्थया रक्ताधानसेवया महानिदेशकस्वास्थ्यसेवाभिः प्रदत्तः। प्रशस्तिपत्रे सुरक्षितरक्तप्रथानां प्रोत्साहने तथा रक्ताधानसेवानां सुदृढीकरणे मण्डीजनपदस्य योगदानस्य प्रशंसा कृता अस्ति।

उपायुक्तः अपूर्व देवगन एतस्याः उपलब्धेः विषये क्षेत्रीयचिकित्सालयस्य मण्डी तथा रक्तघटकपृथक्करणकेन्द्रस्य सम्पूर्णदलस्य अभिनन्दनं कृत्वा उक्तवान् यत् एषः सम्मानः केवलम् एकस्य संस्थानस्य न अपितु सम्पूर्णस्य मण्डीजनपदस्य गौरवस्य सम्मानस्य च विषयः अस्ति। तेन उक्तं यत् जनपदे स्वैच्छिकरक्तदानस्य जनान्दोलनरूपे विकासाय स्वास्थ्यविभागेन सामाजिकसङ्गठनैः रक्तदातृभिः च मिलित्वा प्रशंसनीयः प्रयासः कृतः। अस्य सामूहिकप्रयत्नस्य एव परिणामः अस्ति यत् मण्डी अधुना राष्ट्रियस्तरे स्वीयां विशिष्टपहचानं स्थापयितुं सफलः अभवत्।

---------------

Hindusthan Samachar / Dheeraj Maithani