Enter your Email Address to subscribe to our newsletters
भुवनेश्वरम्, 18 जूनमासः (हि.स.)।ओडिशाराज्यस्य मुख्यमन्त्री मोहनचरणमाझी राष्ट्रियस्वयंसेवकसङ्घस्य पञ्चमसरसंघचालकस्य कुपाहल्लीसीतारमैयासुदर्शनस्य जयन्त्यां तस्मै भावपूर्णां श्रद्धाञ्जलिम् अर्पितवान्।
मुख्यमन्त्री सामाजिकमाध्यमेषु प्रकाशिते स्वसन्देशे सुदर्शनं महान् चिन्तकः कुशलः सङ्गठनकर्ता च इति वर्णयन् अवदत् यत् तस्य निःस्वार्थसमर्पणम् अनुशासितजीवनम् उच्चादर्शाश्च समाजस्य कृते सदा प्रेरणायाः अक्षयस्रोतोरूपेण स्थिताः भविष्यन्ति।
तेन उक्तं यत् सुदर्शनः समाजसुधारकः राष्ट्रनिष्ठविचारधारायाः उज्ज्वलः प्रतीकश्च आसीत्। राष्ट्रसेवायाः समाजकल्याणस्य च प्रति तस्य योगदानं चिरस्मरणीयम् अस्ति तथा च तस्य विचाराः कार्याणि च आगामिसन्ततीः अपि निरन्तरं प्रेरयिष्यन्ति।
---------------
Hindusthan Samachar / Dheeraj Maithani