Enter your Email Address to subscribe to our newsletters
गुवाहाटी, 18 जूनमासः, (हि.स.)।
असमराज्यस्य मुख्यमन्त्री डा हिमन्तबिस्वसरमा गुरुवासरे घोषणा कृतवान् यत् आमरी एसटी हिल्स विधानसभाक्षेत्रस्य विधायकः डा हैबेटेरोन असमविधानसभायाः उपाध्यक्षपदस्य कृते प्रत्याशिरूपेण नामनिर्देशितः भविष्यति।
मुख्यमन्त्री सामाजिकमाध्यमे अद्य प्रकाशिते स्वसन्देशे उक्तवान् यत् चिकित्सावृत्त्या सम्बद्धः डा टेरोन नवगठितात् आमरी विधानसभाक्षेत्रात् निर्वाचितः प्रथमः जनप्रतिनिधिः अस्ति। तेन उक्तं यत् डा टेरोन जनजातीयसमुदायानां आकाङ्क्षाणां प्रतिनिधित्वं करोति तथा च तस्य प्रत्याशित्वेन विधानसभायाः कार्यवाह्यां कार्बीआङ्गलाङ्ग तथा डिमाहसाओ क्षेत्रयोः स्वरः अधिकं सशक्तः भविष्यति।
मुख्यमन्त्री विश्वासं प्रकटितवान् यत् डा टेरोनस्य अनुभवेन जनसेवायाः प्रति तस्य दृढप्रतिबद्धतया च विधानसभायाः लोकतान्त्रिकप्रक्रियाः अधिकं सुदृढाः भविष्यन्ति तथा जनजातीयक्षेत्राणां विषयाः प्रभावीरीत्या प्रस्तोतुं सहायता भविष्यति।
-----------
Hindusthan Samachar / Dheeraj Maithani