Enter your Email Address to subscribe to our newsletters
बलौदाविपणम्, १८ जूनमासः (हि.स.)। प्रधानमन्त्री नरेन्द्रमोदिनः नेतृत्वे केन्द्रसर्वकारस्य द्वादशवर्षीयकार्यकालस्य पूर्णतायाः अवसरं दृष्ट्वा छत्तीसगढ़-राज्यसर्वकारेण समस्ते प्रदेशे “विश्वासस्य, विकासस्य, जनकल्याणस्य” इति कार्यक्रमः आयोज्यते।
जनपदमुख्यालये बलौदाबाजार-इत्यत्र कैबिनेटमन्त्री टंकरामवर्मणा गुरुवासरे नगरभवने वृहद्-पञ्जीकरण-शिविरस्य शुभारम्भः कृतः।
शिविरे उपस्थितान् नागरिकान् सम्बोधयन् मन्त्री उक्तवान् यत् केन्द्र-राज्यसर्वकारयोः जनकल्याणकारी-योजनाभिः नागरिकाणां जीवनस्तरः उन्नतः जातः। कोटिशः जनाः शासनयोजनानां लाभं प्राप्नुवन्ति। मुख्यमन्त्री विष्णुदेवसायस्य नेतृत्वे राज्यवासिनां सर्वसमस्यानां समाधानाय शासन-प्रशासनयोः सम्पूर्णं यन्त्रं पूर्णनिष्ठया कार्यं करोति।
कलेक्टर-कुलदीपशर्मणा जनपदवासिनः शिविरम् आगत्य लाभग्रहणाय आह्वानं कृतम्। अस्मिन् अवसरे स्वजना-डोंगरे तथा उर्मिला-डोंगरे इत्येताभ्यां स्वनिधि-योजनायाः अन्तर्गतं चेक् प्रदत्तः। सर्वेषु उपखण्डेषु विविधयोजनासम्बद्धाः प्रायः ५५ आवेदनानि प्राप्तानि।
एतानि शिविराणि यथास्थानं आयोजितानि— राजस्व-उपखण्डे बलौदाबाजार-इत्यत्र नगरभवने, सिमगानगरे सामुदायिकभवने, भाटापारायां नगरभवने, कसडोल-उपखण्डे स्वामी-आत्मानन्द-आंग्लमाध्यमविद्यालयस्य सभागारे, तथा पलारी-उपखण्डे नगरभवने।
उल्लेखनीयं यत् अस्मिन् कार्यक्रमे केन्द्र-राज्यसर्वकारयोः सर्वेषां जनकल्याणकारी-योजनानां लाभः समाजस्य अन्तिमजनपर्यन्तं प्रापयितुं लक्ष्यं कृत्वा १८ जूनतः २० जून २०२६ पर्यन्तं त्रिदिवसीयात्मकानि वृहद्-पञ्जीकरण-शिविराणि आयोज्यन्ते।
एतेषु शिविरेषु आयुष्मान-भारत-योजना, आयुष्मान-वय-वन्दना, प्रधानमन्त्री सूर्यघर-योजना, प्रधानमन्त्री स्वनिधि-योजना, प्रधानमन्त्री आवास-योजना, जलजीवन-अभियानम्, प्रधानमन्त्री कौशल-विकास-योजना, पेंशन-योजनाः तथा अन्याः जनकल्याणकारी-योजनाः अन्तर्गतं वञ्चितानां हितग्राहिणां तत्रैव पञ्जीकरणं कृत्वा लाभः प्रदीयते।
अस्मिन् अवसरे जनपदाध्यक्षः सुलोचना-यादवः, भारत-स्काउट-गाइड् राज्य-उपाध्यक्षः विजय-केशरवानी, सुमन-वर्मा, नगरपालिकाउपाध्यक्षः जितेन्द्रमहले, जिला-पञ्चायत-सीईओ दिव्या-अग्रवालः तथा अन्ये जनप्रतिनिधयः, अधिकारीणः कर्मकराः नागरिकाश्च उपस्थिताः आसन्।
Hindusthan Samachar / Divya Ranjan