Enter your Email Address to subscribe to our newsletters
द्वाभ्यां वर्षाभ्यां एकस्मिन्नपि विद्यार्थिनि न नामांकिते जाता कार्यवाही
प्रयागराजः, 18 जूनमासः (हि.स.)।
माध्यमिकशिक्षापरिषद् उत्तरप्रदेशेन प्रदेशस्य ४६५ वित्तविहीनमाध्यमिकविद्यालयानां मान्यता समाप्ता कृता। एषा सूचना गुरुवासरे परिषदः सचिवेन भगवतीसिंहेन प्रदत्ता।
तेन उक्तं यत् एषा कार्यवाही निर्धारितमानदण्डानां मान्यतासम्बद्धशर्तानां च अनुपालनाभावात् तथा च निरन्तरं द्विवर्षपर्यन्तं विद्यालयेषु एकोऽपि विद्यार्थी नामाङ्कितः न प्राप्तः इत्यस्य आधारेण कृता।
तेन सूचितं यत् एते विद्यालयाः उत्तरप्रदेशस्ववित्तपोषितविद्यालयमान्यताप्रदानविनियमावल्याः अन्तर्गतं मान्यतां प्राप्तवन्तः आसन्। विभिन्नस्तरेषु कृतेषु परीक्षणेषु सत्यापनेषु च एतत् ज्ञातं यत् एतेषु विद्यालयेषु शैक्षणिकगतिविधयः प्रभावकरूपेण न सञ्चालिताः आसन् तथा च निर्धारितमानदण्डानाम् अनुपालनमपि न क्रियमाणम् आसीत्। परिषदेन कार्यवाह्याः पूर्वं सम्बद्धविद्यालयेभ्यः कारणदर्शयतुसूचनापत्राणि प्रेष्य स्वपक्षस्थापनस्य अवसरः प्रदत्तः आसीत्। प्राप्तस्पष्टीकरणानां परीक्षणानन्तरं सन्तोषजनकं उत्तरं न प्राप्तम्, अतः तेषां मान्यता समाप्तुं निर्णयः कृतः।
उत्तरप्रदेशमाध्यमिकशिक्षापरिषदः सचिवः भगवतीसिंहः उक्तवान् यत् परिषद् गुणवत्तायुक्तायाः पारदर्शिशिक्षाव्यवस्थायाः कृते प्रतिबद्धा अस्ति। तेन उक्तं यत् मान्यताप्राप्तेषु सर्वेषु विद्यालयेषु निर्धारितमानदण्डानां नियमानां च पालनम् अनिवार्यम् अस्ति। येषु विद्यालयेषु शैक्षणिकगतिविधयः न सञ्चालिताः आसन् तथा च निरन्तरं द्विवर्षपर्यन्तं एकोऽपि छात्रः नामाङ्कितः न आसीत्, तेषां विरुद्धं नियमानुसारं कार्यवाही कृता अस्ति।
तेन उक्तं यत् अस्य निर्णयस्य उद्देश्यं प्रदेशे माध्यमिकशिक्षायाः गुणवत्तां संरक्षितुं तथा शिक्षाव्यवस्थां अधिकप्रभाविनीं उत्तरदायिनीं च कर्तुम् अस्ति।
---------------
Hindusthan Samachar / Dheeraj Maithani