सुपौल, 19 जून (हि.स.)।

अखिलभारतीयविद्यार्थीपरिषदः (अभाविप) उत्तरबिहारप्रान्तस्य चतुर्दिवसीयस्य प्रान्ताभ्यासवर्गस्य शुभारम्भः शुक्रवासरे सुपौलस्थिते राधेश्यामपब्लिकस्कूलपरिसरे दीपप्रज्वलनेन भारतमातापूजनेन च सह अभवत्।

उद्घाटनं क्षेत्रीयसंगठनमन्त्री प्रदीपशेखावतः, प्रान्ताध्यक्षः विवेकानन्दतिवारी, प्रान्तमन्त्री पुरुषोत्तमकुमारः तथा प्रान्तसंगठनमन्त्री राकेशमौर्यः संयुक्तरूपेण दीपं प्रज्वाल्य अकुर्वन्। अस्मिन्नवसरे स्थानीयकार्यकर्तृभिः अतिथीनाम् अङ्गवस्त्रैः पुष्पगुच्छैः च स्वागतं कृतम्।

अभ्यासवर्गे उत्तरबिहारस्य षट्त्रिंशत् संगठनात्मकजनपदेभ्यः त्रिशताधिकाः छात्रछात्राप्रतिनिधयः सहभागं कुर्वन्ति। उद्घाटनसत्रे परिषदः इतिहासः, कार्यदर्शनम्, संगठनात्मकविस्तारः तथा राष्ट्रनिर्माणे छात्रशक्तेः भूमिका इत्यादिविषयेषु चर्चा अभवत्। क्षेत्रीयसंगठनमन्त्री प्रदीपशेखावतः अवदत् यत् बिहारः ज्ञानस्य संस्कृतेः राष्ट्रचेतनायाश्च भूमिः आसीत्। नालन्दा विक्रमशिला च इत्यादयः विश्वविद्यालयाः विश्वाय ज्ञानस्य प्रकाशं प्रदत्तवन्तः। तेन उक्तं यत् अभ्यासवर्गः केवलं संगठनात्मकप्रशिक्षणस्य मञ्चः नास्ति, अपितु युवजनान् उत्तरदायिनः संवेदनशीलान् नेतृत्वसमर्थान् नागरिकान् निर्मातुं प्रयत्नः अस्ति। राष्ट्रनिर्माणे युवशक्तेः भूमिका महत्त्वपूर्णा अस्ति तथा परिषद् एतदेव उद्दिश्य छात्रशक्तेः संगठनं करोति।

प्रान्ताध्यक्षः विवेकानन्दतिवारी अवदत् यत् अभाविप विश्वस्य बृहत्तमः छात्रसंगठनः अस्ति, यः छात्रहिते, शिक्षासुधारे, सामाजिकसमरसतायाम् तथा राष्ट्रहितसम्बद्धविषयेषु निरन्तरं कार्यं करोति। तेन परिषदः मूलमन्त्रस्य “ज्ञानं शीलम् एकता च” इत्यस्य उल्लेखः कृतः तथा उक्तं यत् संगठनस्य उद्देश्यं केवलं छात्रराजनीतिपर्यन्तं सीमितं नास्ति, अपितु समाजस्य राष्ट्रस्य च प्रति उत्तरदायियुवनेतृत्वस्य निर्माणम् अस्ति।

प्रान्तमन्त्री पुरुषोत्तमकुमारः अवदत् यत् अयं अभ्यासवर्गः कार्यकर्तॄणां वैचारिकबौद्धिकसंगठनात्मकविकासस्य महत्त्वपूर्णः मञ्चः अस्ति। विविधसत्राणां माध्यमेन सहभागिभ्यः राष्ट्रजीवनम्, छात्रहितम्, नेतृत्वविकासः तथा सामाजिकउत्तरदायित्वेन सम्बद्धविषयेषु प्रशिक्षणं प्रदास्यते।

प्रान्तसंगठनमन्त्री राकेशमौर्यः अवदत् यत् कस्यापि संगठनस्य वास्तविकशक्तिः तस्य प्रशिक्षितेषु समर्पितेषु च कार्यकर्तृषु निहिता भवति। परिषदः कार्यकर्तारः शिक्षाक्षेत्रेण सह आपदाराहतकार्येषु, रक्तदानेषु, ग्रामविकासे, पर्यावरणसंरक्षणे तथा सेवाकार्येषु अपि सक्रियां भूमिकां निर्वहन्ति।

चतुर्दिनपर्यन्तं चलिष्यति अस्मिन् अभ्यासवर्गे राष्ट्रियशिक्षानीतिः, छात्रनेतृत्वविकासः, सामाजिकसमरसता, संगठनविस्तारः, व्यक्तित्वविकासः तथा समसामयिकराष्ट्रियविषयाः इत्यादिषु सत्राणि आयोज्यन्ते।

वरिष्ठपदाधिकारी विषयविशेषज्ञाश्च सहभागिनां मार्गदर्शनं करिष्यन्ति। आयोजनस्य सज्जतासु संलग्नैः सुपौलजनपदस्य कार्यकर्तृभिः आवासः, भोजनम्, चिकित्सासुविधा, पञ्जीकरणम् तथा अन्यव्यवस्थानां उत्तरदायित्वं स्वीकृतम् अस्ति। अयं अभ्यासवर्गः उत्तरबिहारस्य छात्रकार्यकर्तृणां कृते प्रशिक्षणस्य सह राष्ट्रनिर्माणसंकल्पस्य दृढीकरणाय महत्त्वपूर्णः मञ्चः सिद्धः भविष्यति।

Hindusthan Samachar / Dheeraj Maithani