जयपुरम्, 19 जूनमासः (हि.स.)।

छात्राणां युवानां च सम्मुखे वर्धमानानां शिक्षारोजगारसंकटानां प्रश्नपत्रप्रस्रवणस्य परीक्षाणां निरस्तीकरणस्य भर्तीप्रक्रियासु विलम्बस्य वर्धमानबेरोजगारितायाश्च विषयान् अधिकृत्य काङ्ग्रेसदलम् राष्ट्रव्यापिनम् अभियानम् आरब्धवान् अस्ति। काङ्ग्रेसदलस्य कथनानुसारम् एतासां गम्भीरसमस्याणाम् अस्तित्वे अपि केन्द्रसर्वकारः प्रधानमन्त्री केन्द्रीयशिक्षामन्त्री च मौनमेव स्थितवन्तः सन्ति।

काङ्ग्रेसनेता राहुलगान्धिनः नेतृत्वे दलेन सप्तदशे जूनमासस्य दिने कोटानगरे छात्राणां गुञ्जरैली इति कार्यक्रमेण अस्य अभियानस्य आरम्भः कृतः। अभियानस्य अन्तर्गतं राजस्थानराज्यस्य सर्वाः जिलाकाङ्ग्रेससमितयः आगामिषु सप्तसु दिवसेषु पत्रकारसम्मेलनानां जनप्रस्तुतीनां च आयोजनं कृत्वा राहुलगान्धिनः सन्देशं छात्रयुवजनसम्बद्धान् विषयान् च सामान्यजनान् प्रति प्रापयिष्यन्ति।

राजस्थानप्रदेशकाङ्ग्रेससमितेः महासचिवः मीडिया अध्यक्षः च स्वर्णिमचतुर्वेदी अवदत् यत् प्रदेशाध्यक्षस्य गोविन्दसिंहडोटासरस्य निर्देशानुसारं विंशतितमात् जूनमासस्य दिनात् सप्तविंशतितमदिनपर्यन्तं सर्वाभिः जिलाकाङ्ग्रेससमितिभिः जिलास्तरे कार्यक्रमाः आयोजयिष्यन्ते। एतेषु कार्यक्रमेषु कोटानगरस्य छात्राणां गुञ्जरैली इति कार्यक्रमे राहुलगान्धिना प्रस्तुतायाः मूलप्रस्तुतेः प्रदर्शनमपि भविष्यति।

तेन उक्तं यत् एतेषु आयोजनेषु दलस्य प्रवक्तारः विधायकाः पूर्ववर्तमानजनप्रतिनिधयः सांसदाः सांसदपदप्रत्याशिनः एनएसयूआई युवा काङ्ग्रेस महिला काङ्ग्रेस सहिताः दलस्य सर्वे अग्रिमसङ्घटनाः विभागाः प्रकोष्ठाश्च सक्रियभागीदारीं वहिष्यन्ति।

काङ्ग्रेसदलेन एतेषु कार्यक्रमेषु विद्यार्थिनः प्रतियोगितापरीक्षाणां सिद्धतां कुर्वन्तः युवानः विद्यालयमहाविद्यालययोः छात्राः शिक्षाविदः प्रबुद्धनागरिकाः माध्यमप्रतिनिधयः नागरिकसमाजस्य सदस्याश्च समावेशयितुं निर्णयः कृतः।

---------------

Hindusthan Samachar / Dheeraj Maithani