भागलपुरम्, 19 जूनमासः (हि.स.)।भागलपुरनगरे अग्निशमनविभागस्य क्षमतां अधिकं सुदृढीकर्तुं तिलकामांझीस्थितस्य मुख्याग्निशमनकेन्द्रस्य वाहनसमूहे एकं आधुनिकं हाइड्रोलिकप्लेटफार्मयुक्तं अग्निशमनवाहनं समावेशितम् अस्ति।

एतत् वाहनम् उच्चभवनेषु अग्निदुर्घटनायाः परिस्थितौ अग्निशमनकार्येण सह तत्र अवरुद्धानां जनानां उद्धारकार्ये अपि साहाय्यं करिष्यति। अस्मिन् स्थापितः हाइड्रोलिकप्लेटफार्मः बहुषु तलेषु उपरि गन्तुं समर्थः अस्ति।

येन अग्निशमनकर्मिणः उच्चस्थानानि प्रति सुगमतया गन्तुं शक्नुवन्ति। अस्मिन् वाहने उच्चदाबयुक्तजलप्रणाली फेनसुविधा च उपलब्धा अस्ति। येन अग्नेः उपरि शीघ्रतया नियन्त्रणं कर्तुं शक्यते। तस्य त्रिशतषष्ट्यंशपरिभ्रमणक्षमता च राहत् उद्धारकार्यं अधिकं सुकरं करिष्यति।

उल्लेखनीयम् अस्ति यत् भागलपुरनगरे निरन्तरं वर्धमानानां बहुमञ्जिलभवनानां विशालवाणिज्यपरिसराणां च दृष्ट्या अस्य आधुनिकस्य अग्निशमनवाहनस्य आवश्यकता अनुभूयमाना आसीत्। अस्य समावेशेन नगरे अग्निदुर्घटनादिषु आपत्कालीनपरिस्थितिषु निपुणतया कार्यं कर्तुं अग्निशमनविभागस्य महती सहायता भविष्यति।

Hindusthan Samachar / Dheeraj Maithani