हरिद्वारम् , 19जूनमासः (हि.स.) भारतसर्वकारस्य राष्ट्रिय-वयोश्री-योजनायाः अन्तर्गतं शुक्रवासरे डी. डी. आर्. सी. (मण्डल-विकलाङ्ग-पुनर्वसन-केन्द्रम्), उपमण्डल-चिकित्सालयः रूर्की इत्यत्र निःशुल्क-सहायक-उपकरण-वितरण-समारोहः आयोजितः।

कान्पुर्-नगरस्य आर्टिफिसियल् लिम्बस् म्यानुफ्याक्चरिङ्ग् कार्पोरेशन् आफ् इण्डिया (अलिम्को) संस्थया आयोजिते अस्मिन् कार्यक्रमे दिव्यांगजनानां ज्येष्ठनागरिकाणां च आवश्यकतानुगुणं त्रिचक्रवाहनानि, वील्चेर्स्, क्राच्स् इत्यादीनि उपसाधनानि च निःशुल्करूपेण वितरितानि। एतेषां उपकरणानां उद्देश्यं लाभार्थीनां स्वावलम्बीकरणम्, तेषां दैनन्दिनजीवनं सुलभतरं च कारयितुं भवति।

अस्मिन् अवसरे मन्त्रिणः प्रदीप बत्रा-वर्यः अवदत् यत् केन्द्र-राज्य-सर्वकारः समाजस्य अन्तिमव्यक्तिपर्यन्तं सुविधाः प्राप्तुं प्रतिबद्धः अस्ति इति। सः अवदत् यत् दिव्यांजनः वरिष्ठनागरिकाः च समाजस्य महत्त्वपूर्णाः सम्पत्तिः सन्ति, तेषां जीवनं सुलभतरं गौरवपूर्णं च कर्तुं सर्वकारः निरन्तरं कार्यं कुर्वन् अस्ति। अस्मिन् कार्यक्रमे बहुसङ्ख्यकाः लाभार्थीः, चिकित्सकाः, सामाजिक-कार्यकर्तारः, प्रशासनिक-अधिकारिणः च उपस्थिताः आसन्। लाभार्थीः सहायकयन्त्राणि प्राप्य हर्षं प्रकटयन् सर्वकाराय तथा अलिम्को-संस्थायै च कृतज्ञतां प्रकटितवन्तः।

Hindusthan Samachar / Dheeraj Maithani