भुवनेश्वरनगरम्, १९ जूनमासः (हि.स.)। ओडिशा-राज्यस्य मुख्यमन्त्री मोहनचरण-माझी-महोदयः पवित्र-शीतल-षष्ठी-महोत्सवस्य अवसरे राज्यवासिभ्यः हार्दिक-शुभकामनाः प्रदत्तवान्। तेन उक्तं यत् अयं महोत्सवः ओडिशा-राज्यस्य आध्यात्मिक-चेतनायाः सांस्कृतिक-गौरवस्य च अद्वितीयः प्रतीकः अस्ति, यः सदा समाजे एकतायाः, सौहार्दस्य तथा भ्रातृत्व-भावस्य सुदृढीकरणं कृतवान् अस्ति।

सामाजिक-माध्यमे प्रसारिते स्वसन्देशे मुख्यमन्त्री अवदत् यत् शीतल-षष्ठी केवलं धार्मिक-उत्सवः न, अपितु राज्यस्य समृद्ध-सांस्कृतिक-धरोहरस्य प्राचीन-परम्पराणां च सजीवः प्रतीकः अस्ति। तेन उक्तं यत् एतत् पर्व सामाजिक-समरसतायाः सामुदायिक-सहभागितायाश्च सन्देशं ददाति तथा जनान् स्वस्य सांस्कृतिक-मूलैः सह संयोजयति।

मुख्यमन्त्री अवदत् यत् अस्याः प्राचीन-परम्परायाः अधिक-संवर्धनाय महोत्सवस्य सुरक्षित-सुव्यवस्थित-आयोजनस्य सुनिश्चितीकरणाय च राज्य-सर्वकारेण विशेष-वित्तीय-साहाय्यरूपेण १.०८ कोटि-रूप्यकाणि प्रदत्तानि सन्ति। तेन उक्तं यत् सर्वकारः राज्यस्य सांस्कृतिक-धार्मिक-परम्पराणां संरक्षण-संवर्धने प्रति दृढसंकल्पितः अस्ति।

स्वसन्देशे मुख्यमन्त्री भगवन्तं शिवं मातरं पार्वतीं च प्रति प्रार्थनाम् अकरोत् यत् राज्यस्य सर्वेषां जनानां सुखं, समृद्धिः तथा कल्याणं भवेत्। तेन आशा व्यक्तीकृता यत् देवाधिदेवस्य महादेवस्य मातुः पार्वत्याः च कृपया प्रत्येकम् ओडिया-जनस्य जीवनं सुखैः, शान्त्या तथा उन्नत्या परिपूर्णं भवेत् तथा च राज्यं निरन्तरं विकासमार्गे अग्रे सरतु।

Hindusthan Samachar / Divya Ranjan